USD 434.24 EUR 492.69
RUB 5.67 CNY 68.46
جاڭالىقتار

پيازدىڭ دەنساۋلىققا 5 پايداسى

13 قاڭتار 21:30
:ءبولىسۋ

نۇر-سۇلتان. قازاقپارات - ەلىمىزدە كوپ تاراعان كوكونىستىڭ ءبىرى - پياز (كەي ايماقتار «سارىمساق» دەيدى).

ونسىز تاماق جاسالمايتىن سياقتى كورىنىپ تۇرادى كەيدە. پياز ادامعا پايدالى دەگەندى دە كوپ ەستىدىك. ەندەشە وسىناۋ كوكونىستىڭ ادامعا قانداي پايداسى بار ەكەن، سوعان تاعى ءبىر توقتالىپ كورەيىك.

باستى 5 پايداسىن ۇسىنامىز.

انتيوكسيدانت. پيازدىڭ قۇرامىندا فلاۆونويد سىندى وسىمدىك تەكتەس حيميالىق زاتتار مول. پيازدا 25 تەن استام فلاۆونويد تەكتەس جانە كۇكىرتتى زاتتار بولادى. بۇلار انتيوكسيدانت قىزمەتىن اتقارۋعا كومەكتەسەدى. ياعني، سوزىلمالى اۋرۋ مەن قاتەرلى ىسىكتىڭ ويانۋىنىڭ الدىن الادى. ديابەتتىڭ دە الدىن الۋعا پياز كومەكتەسەدى.

جۇرەك جۇمىسى. جوعارىدا ايتىلعان فلاۆونويد جۇرەك اۋرۋىن باسىپ، باسقا دا قان-جۇرەك اۋرۋلارىنىڭ الدىن الۋعا كومەكتەسەدى. قان قىسىمىن جانە قانداعى جامان حولەستەريننىڭ كولەمىن تۇسىرۋگە ىقپالى بار.

سۇيەك. پياز سۇيەكتى مينەرالمەن بايىتۋعا قاۋقارلى. ادام اعزاسىندا قىشقىلدانۋ پروتسەسى ءجيى ءجۇرىپ، سودان سۇيەكتەگى مينەرالدى زاتتار شايىلىپ، سۇيەك ماسساسى ازايىپ كەتۋى مۇمكىن. ال پيازدىڭ قۇرامىنداعى انتيوكسيدانتتار اعزاداعى قىشقىلدانۋ پروتسەسىن ايتارلىقتاي تومەندەتەدى. سودان سۇيەكتىڭ بەرىكتىگى تۇراقتى بولادى.

ىشەك جۇمىسى. پيازدىڭ قۇرامىنداعى جاسۇنىق باياۋ قورىتىلادى، كەيدە قورىتىلماي قالۋى دا مۇمكىن. ال مۇنداي جاسۇنىقپەن ىشەكتەگى پايدالى باكتەريالار قورەكتەنەدى. سودان ىشەك جۇمىسى جاقسارادى. ونداي باكتەريا ماي قىشقىلىن ءوندىرىپ، سول ارقىلى اعزانىڭ يممۋنيتەتىن قالىپتاستىرادى.

باكتەريانى قۇرتادى. پيازدىڭ حالىق ەمشىلىگىندە الاتىن ورنى ەرەكشە. ونىمەن تۇماۋدى، جوتەل مەن سۋىق ءتيۋدى قايتارۋعا بولادى. پيازدىڭ باكتەريتسيدتىك قابىلەتى باسىم. اعزاعا تۇسكەن ىشەك تاياقشاسى، كوكىرىڭدى تاياقشا، ستافيلوكوكك سىندى پاتوگەندى باكتەريالاردى «ولتىرەدى».

massaget.kz


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات