جوعارعى سوت سۋدياسى مەيرام جانعۇتتينوۆ 5 جىلعا سوتتالدى
3 جەلتوقسان 16:41

جوعارعى سوت سۋدياسى مەيرام جانعۇتتينوۆ 5 جىلعا سوتتالدى

نۇر- سۇلتان. قازاقپارات - ق ر جوعارعى سوتىنىڭ بۇرىنعى سۋدياسى مەيرام جانعۇتتينوۆ سوت شەشىمىمەن 5 جىلعا باس بوستاندىعىنان ايرىلدى، دەپ حابارلايدى قازاقپارات ءتىلشىسى نۇر- سۇلتان قالالىق سوتىنىڭ رەسمي سايتىنا سىلتەمە جاساپ.

بۇگىن نۇر- سۇلتان قالاسى بايقوڭىر اۋدانىنىڭ №2 سوتى مەيرام جانعۇتتينوۆكە قاتىستى الاياقتىققا قاستاندىق جاساۋ فاكتىسى بويىنشا (ق ك 24-بابى 3-بولىگى، 190-بابى 3-بولىگى 1-2 - تارماعى) جانە ل. تۇرعىنبايەۆاعا پارا بەرگەنى ءۇشىن (ق ك 367-بابى 3-بولىگى 2 - تارماعى) ايىپتاۋ ۇكىمىن جاريالادى.

ەلوردالىق سوتتىڭ حابارلاۋىنشا، م. جانعۇتتينوۆ جاۋاپتى مەملەكەتتىك لاۋازىمدى اتقاراتىن تۇلعا بولا وتىرىپ (ق ر جوعارعى سوتىنىڭ سۋدياسى، بۇگىندە وكىلەتتىگى توقتاتىلدى)، پارا الۋ جەلەۋىمەن تۇرعىنبايەۆادان (شىمكەنت قالاسى ءال- فارابي اۋداندىق سوتىنىڭ سۋدياسى، وكىلەتتىگى توقتاتىلدى) دەلدال ابدۋساتتاروۆ ارقىلى 7 مىڭ ا ق ش دوللارى سوماسىنداعى قاراجاتتى يەمدەنۋگە تىرىستى. جوعارعى سوتتىڭ ەكس- سۋدياسى م. جانعۇتتينوۆ اقشا الۋ كەزىندە ۇستالعان.

«سوت جازا تاعايىنداۋ كەزىندە جانعۇتتينوۆ پەن تۇرعىنبايەۆاعا قاتىستى سۋديا انتىن بۇزۋ اۋىر جاعداي دەپ تانىپ، باس بوستاندىعىنان ايىرۋ جازاسىن ءادىل جازا دەپ سانادى. وسىعان بايلانىستى جانعۇتتينوۆ 5 جىلعا باس بوستاندىعىنان ايىرىلدى. تۇرعىنبايەۆاعا قاتىستى جازانى جەڭىلدەتەتىن ءمان- جايلار ەسكەرىلدى. ياعني، شىن جۇرەكتەن وكىنۋ جانە قىلمىستى اشۋ مەن وعان قاتىسى بارلاردى اشكەرەلەۋگە بەلسەندى ىقپال ەتكەنىن ەسكەرە وتىرىپ (ق ك 55-بابى 4-بولىگى) ول 5 جىلعا سوتتالدى. سوتتالۋشىنىڭ ەكەۋى دە ءومىر بويى مەملەكەتتىك قىزمەتتە جۇمىس ىستەۋ قۇقىعىنان ايىرىلدى»، - دەلىنگەن حابارلامادا.

سوت ۇكىمى زاڭدى كۇشىنە ەنگەن جوق.

جاڭالىقتار