12:10, 25 - قاراشا 2021 | GMT +6
كوكشەتاۋدا 5 كۇن بۇرىن جوعالعان ايەل تابىلدى
كوكشەتاۋ. قازاقپارات - كوكشەتاۋدا 5 كۇن بۇرىن جوعالعان ەكى بالانىڭ اناسى 28 جاستاعى اسەل احمەدجانوۆا تابىلدى، دەپ حابارلايدى قازاقپارات ءتىلشىسى.
«ىزدەستىرۋ ءىس- شارالارىنىڭ ناتيجەسىندە كوكشەتاۋ قالالىق پ ب كريمينالدىق پوليتسيا قىزمەتكەرلەرى بۇلاندى اۋدانىنىڭ ماكينسك قالاسىندا ەكەنىن انىقتادى. ونىڭ ءومىرى مەن دەنساۋلىعىنا ەش قاۋىپ جوق. ايەلمەن جانە ونىڭ تۋىستارىمەن پروفيلاكتيكالىق اڭگىمە وتكىزىلدى. سونداي-اق كامەلەتكە تولماعان بالالاردى ەسكەرە وتىرىپ، وتباسىنا يۋۆەنالدىق پوليتسيا قىزمەتكەرلەرى تاراپىنان ەرەكشە نازار اۋدارىلاتىن بولادى»، - دەدى ۆەدومستۆودان.
ەسكە سالا كەتسەك، كوكشەتاۋدا ەكى بالانىڭ اناسى جوعالىپ كەتكەن بولاتىن. ول 19-قاراشادا ساعات 00:00 شاماسىندا بالالارىن ۇيدە قالدىرىپ، ءوزى بەلگىسىز باعىتتا كەتىپ قالعان.
اۆتور: اسلان وسپانوۆ