لا- مانشتى قايىقپەن كەسىپ وتپەك بولعان 5 ميگرانت قازا تاپتى، بىرنەشەۋى ەس- ءتۇزسىز جاتىر

پاريج. قازاقپارات - فرانسيا جاعالاۋىندا زاڭسىز جولمەن ۇلىبريتانياعا لا- مانش ارقىلى وتپەك بولعان ميگرانتتاردىڭ قايىعى اپاتقا ۇشىراپ، كەم دەگەندە بەس ادام قازا تاپتى.

بۇل تۋرالى قازاقپارات AFP اگەنتتىگىنە سىلتەمە جاساپ حابارلايدى.

فرانسيا ىشكى ىستەر مينيسترلىگىندەگى دەرەككوزدىڭ ايتۋىنشا، پاريج ۋاقىتىمەن 14:00 شاماسىندا ءبىر بالىقشى كالە قالاسى اۋماعىنداعى لا- مانش ارناسىنان ون بەسكە جۋىق ادامنىڭ تابىلعانى تۋرالى حابارلاعان. قۇتقارۋ وپەراتسياسى كەزىندە بەس ادامنىڭ كوز جۇمعانى انىقتالدى، تاعى بەس ادام ەس- ءتۇسسىز جاتقان.

كەلەڭسىز جاعدايعا بايلانىستى ەلدىڭ ىشكى ىستەر ءمينيسترى دجەرالد دارمانەن وقيعا ورنىنا اتتاندى. لا- مانش پەن پاس- دە- كالە ارقىلى وتۋگە ارەكەتتەنگەن زاڭسىز ميگرانتتاردىڭ سانى ۇنەمى ءوسىپ كەلەدى. ايماق تەڭىز پرەفەكتۋراسىنىڭ مالىمەتى بويىنشا، بيىل 1-قاڭتار مەن 31 -تامىز ارالىعىندا فرانسيا جاعالاۋىنان ۇلىبريتانياعا تەڭىز ارقىلى جەتۋگە 15,4 مىڭ زاڭسىز ميگرانت ارەكەتتەنگەن.