تۇمان، جەل: 5 وڭىردە ەسكەرتۋ جاريالاندى

نۇر-سۇلتان. قازاقپارات - «قازگيدرومەت» ر م ك 28- قازان كۇنى اۋا رايىنىڭ بۇزىلۋىنا بايلانىستى بىرنەشە وڭىردە ەسكەرتۋ جاريالادى، دەپ حابارلايدى قازاقپارات.

كۇندىز قوستاناي وبلىسىنىڭ سولتۇستىگىندە، باتىسىندا جەل سوعادى، كۇشى 15-20 م/س.

تۇندە جانە تاڭەرتەڭ اقتوبە وبلىسىنىڭ ورتالىعىندا تۇمان كۇتىلەدى.

تاڭەرتەڭ جانە كۇندىز اقمولا وبلىسىنىڭ سولتۇستىگى مەن باتىسىندا وڭتۇستىك-باتىستان جەل سوعادى، ەكپىنى 15-20 م/س.

تۇندە 28-29- قازاندا قاراعاندى وبلىسىنىڭ ورتالىعىندا، شىعىسىندا تۇمان بولجانادى.

تۇندە پاۆلودار وبلىسىنىڭ وڭتۇستىگىندە تۇمان بولادى. كۇندىز وبلىستىڭ سولتۇستىك-باتىسىندا جەل سوعىپ، جىلدامدىعى 15-20 م/س قۇرايدى.