ىلە-الاتاۋ ۇلتتىق پاركىندە 5 گەكتارعا جايىلعان ورمان ءورتىن تىكۇشاقپەن ءسوندىرىپ جاتىر

الماتى وبلىسى. قازاقپارات - ىلە-الاتاۋ ۇلتتىق پاركىنىڭ اقساي فيليالى قاسكەلەڭ ورمانشىلىعى اۋماعىندا ورمان ءورتى تۇتاندى، دەپ حابارلايدى قازاقپارات.

26- قىركۇيەك 13.30 شاماسىندا «قازاۆيا ورمان قورعاۋ» ر م ق ك باقىلاۋشى ۇشقىشى قاسكەلەڭ ورمانشىلىعى 12 ورامىنىڭ 6 تەلىمىندە ورمان ءورتىن انىقتادى.

قازىرگى ۋاقىتتا ءورت ءسوندىرۋ جۇمىسىنا:

- ۇلتتىق پاركتەن: 60 ادام، 10 تەحنيكا، 1 ارنايى ءورت ءسوندىرۋ ماشيناسى، 4 اتتى ادام جانە 3 موتوتسيكل؛

- «قازاۆيا ورمان قورعاۋ» ر م ق ك سۋاعار قۇرىلعىسى بار مي-8 تىكۇشاعى؛

- الماتى وبلىسىنىڭ ت ج د- دان 25 ادام، ت ج م 28237№ ازاماتتىق قورعانىس بولىمىنەن 50 ادام (پولك)، 9 تەحنيكا، ونىڭ ىشىندە 1 ءورت ءسوندىرۋ ماشيناسى جۇمىلدىرىلدى.

قازىرگى ۋاقىتتا ءورتتىڭ الدىن الا اۋماعى - 5 گەكتار دەپ بولجانىپ وتىر. ونىڭ ىشىندە 2 گ ا ورمانمەن كومكەرىلگەن.

28- قىركۇيەكتە مي-8 تىكۇشاعى 4 رەت سۋ شاشتى. سونداي-اق، پ1-00 سىرتقى اسپالى قوندىرعىسىنان ستاتسيونارلىق ىدىسى بار سۋ جەتكىزىلدى. ورمان ءورتى ور قازۋ جانە ارنايى قۇرىلعىمەن ءسوندىرىلىپ جاتىر. ورمان ءورتىنىڭ ءتۇرى تومەنگى، تۇراقتى، ورتاشا. قازىرگى ۋاقىتتا جانۋ وشاعى جوق.