تالدىقورعاندا وقۋشىلاردى تاسىمالدايتىن اۆتوبۋس اپاتقا ۇشىراپ، 5 بالا جارالاندى

None
None
تالدىقورعان. قازاقپارات - تالدىقورعاندا وقۋشىلاردى تاسىمالداعان اۆتوبۋس كولىك اپاتىنا ءتۇسىپ، بەس بالا زارداپ شەكتى، دەپ حابارلايدى قازاقپارات ءتىلشىسى.

الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، 8-16 جاستاعى وقۋشىلار الماتى وبلىستىق كوپسالالى بالالار اۋرۋحاناسىنا جەتكىزىلگەن.

24- مامىر كۇنى 08:30 شاماسىندا وقۋشىلاردى تاسىمالداعان اۆتوبۋس كولىك اپاتىنا ءتۇستى.


«يسۋزۋ» ماركالى اۆتوبۋستى 60 جاستاعى جۇرگىزۋشى تىزگىندەگەن.

«ول امانگەلدى كوشەسىندە سولعا بۇرىلىپ، قارسى باعىتتا كەلە جاتقان «اۋدي» كولىگىنە جول بەرمەگەن. سالدارىنان اۆتوبۋس «مازدا» كولىگىنە سوعىلعان. اۆتوبۋستاعى 5 وقۋشى زارداپ شەكتى. سونداي-اق «اۋدي» كولىگىنىڭ جۇرگىزۋشىسى جانە ونىڭ 56، 23 جاستاعى جولاۋشىلارى اۋرۋحاناعا ءتۇستى»، - دەلىنگەن ۆەدومستۆونىڭ حابارلاماسىندا.

قازىر اتالعان جول-كولىك وقيعاسى بويىنشا ق ر ق ك 345-بابى 1- بولىگىنە سايكەس سوتالدى تەرگەۋ ءجۇرىپ جاتىر.

سوڭعى جاڭالىقتار