10:00, 06 - ناۋرىز 2021 | GMT +6
تەڭىز كەنىشىندە 5 اۆتوبۋس ورتەنىپ كەتتى - ۆيدەو
اتىراۋ. قازاقپارات - اتىراۋ وبلىسىنداعى تەڭىز كەنىشىندە 5 اۆتوبۋس ورتەنىپ كەتتى، دەپ حابارلايدى قازاقپارات.
وقيعا 5-ناۋرىزدا ساعات 19:30-دا جىلىوي اۋدانىندا ورنالاسقان تەڭىز كەنىشىندە بولدى. «بۇگىن «س س ە ر» كومپانياسىنىڭ اۆتوتۇراعىنداعى اۆتوبۋستاردىڭ ءبىرى ورتەندى. ءورت بىردەن جانىندا تۇرعان 4 اۆتوبۋستى شارپىدى. جالىندى سوندىرۋگە «تەڭىزشەۆرويل» كومپانياسىنىڭ ءورت ءسوندىرۋ قىزمەتىنەن 30 قىزمەتكەر مەن 3 تەحنيكا جۇمىلدىرىلدى. ءورت جەرگىلىكتى ۋاقىتپەن ساعات 21:00-دە تولىق جويىلدى»، - دەپ حابارلادى «س س ە ر» كومپانياسىنىڭ وكىلى وراق بيسەمبيەۆ. ءمالىم ەتىلگەندەي، وقيعا سالدارىنان قازا بولعاندار مەن زارداپ شەككەندەر جوق.