كوروناۆيرۋس: ەلىمىزدىڭ 5 ءوڭىرى «قىزىل» ايماققا ەندى

نۇر-سۇلتان. قازاقپارات - كوروناۆيرۋس بويىنشا ەپيدەميولوگيالىق احۋالدى باعالاۋ ماتريتساسىنىڭ 17- قاڭتار كۇنگى مالىمەتىنە سايكەس، قازاقستاننىڭ 5 ءوڭىرى «قىزىل» ايماققا ەندى، دەپ حابارلايدى قازاقپارات.

اتاپ ايتقاندا، «قىزىل» ايماقتا نۇر-سۇلتان قالاسى، اقمولا، اتىراۋ، قوستاناي جانە پاۆلودار وبلىستارى تۇر.

«سارى» ايماقتا الماتى قالاسى، الماتى، باتىس قازاقستان، سولتۇستىك قازاقستان وبلىستارى ورنالاسقان. قالعان وڭىرلەر - «جاسىل» ايماقتا.

ەسكە سالساق، 16- قاڭتار كۇنى «قىزىل» ايماقتا قازاقستاننىڭ 3 ءوڭىرى ورنالاسقان بولاتىن.

وتكەن ءبىر تاۋلىكتە كوروناۆيرۋس ىندەتىنىڭ جاڭادان 978 جاعدايى انىقتالدى. سونداي-اق 16 قاڭتار كۇنى ىندەتتەن 600 گە جۋىق ادام جازىلدى.