وتكەن جىلى قازاقستان زاۋىتتارىندا 5 مىڭنان استام تەحنيكا شىعارىلدى

None
None
نۇر- سۇلتان. قازاقپارات - پاندەميامەن جانە قارجى سەكتورىنىڭ تۇراقسىزدىعىمەن بايلانىستى الەمدىك داعدارىسقا قاراماستان، ق ر اۆتوموبيل ونەركاسىبى 2020 -جىلى ءوندىرىس پەن ساتىلىمدا ەلەۋلى ءوسىمدى كورسەتتى.

بۇل تۋرالى ق ر يندۋستريا جانە ينفراقۇرىلىمدىق دامۋ مينيسترلىگىنىڭ Telegram كانالىنان ءمالىم بولدى، دەپ حابارلايدى قازاقپارات.

96 جەتەكشى ەلدە اۆتوموبيل ونەركاسىبىن تالداۋمەن اينالىساتىن NCSA (ۇلتتىق اۆتوموبيلدەردى ساتۋ قاۋىمداستىعىنىڭ) الەمدىك ساراپشىلارى جىلدىڭ ورتاسىندا الەمدەگى سالانىڭ جاھاندىق قۇلدىراۋىن اتاپ ءوتتى. الايدا، سول كەزدىڭ وزىندە ماشينا جاساۋ سالاسىنداعى تۇراقتى كوشباسشىلاردىڭ تەرىس كورسەتكىشتەرىنىڭ اياسىندا تەك 4 ەل عانا وڭ ستاتيستيكانى كورسەتە الدى، ال ولاردىڭ كوشباسشىسى قازاقستان بولدى. قازاقستان رەسپۋبليكاسى يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ 2020 -جىلى اۆتوموبيل جاساۋ سالاسىنداعى وڭدەۋ ونەركاسىبىندە ەڭ ۇلكەن ءوسىمدى (%50 دان استام) اتاپ ءوتتى. ي ي د م دەرەكتەرى مەن قازاقستاننىڭ اۆتوونەركاسىبىندەگى جىلدى قورىتىندىلاعان قازاقستاندىق اۆتوبيزنەس قاۋىمداستىعىنىڭ ساراپشىلارى راستاپ وتىر.

ەلىمىزدە جىلدىق ءوندىرىس كولەمى 2020 -جىلى 77471 بىرلىك تەحنيكاعا جەتتى، بۇل 2019 -جىلدىڭ كورسەتكىشىنەن ءبىر جارىم ەسە ارتىق (50541 بىرلىك). سونىڭ ىشىندە جۇك اۆتوموبيلدەرى مەن اۆتوبۋستاردىڭ ءوندىرىسى بويىنشا كورسەتكىشتەردىڭ وسكەنى بايقالادى.

2020 -جىلى وتاندىق زاۋىتتار شامامەن %40 ءوسىمدى كورسەتە وتىرىپ، 5 مىڭنان استام تەحنيكا شىعاردى. بۇل رەتتە، 2019 -جىلى ق ر ماشينا جاساۋداعى اۆتوموبيل جاساۋ سەكتورىنىڭ ۇلەسى نەبارى تورتتەن ءبىرىن (%26,3) قۇراسا، 2020 -جىلى بۇل كورسەتكىش ۇشتەن بىرىنە دەيىن (%33,4) ءوستى.

سوڭعى جاڭالىقتار