سالقىن دۋشتىڭ 5 پايداسى

نۇر-سۇلتان. قازاقپارات - سالقىن دۋش قابىلداعان سوڭ ادام ەموتسيونالدىق تۇرعىدا جەڭىلدەپ قالادى. ويتكەنى سالقىن سۋعا تۇسكەندە قانعا تۇسەتىن ەندورفين «قۋانىش گورمونىنىڭ» مولشەرى ەسەلەنەدى.

ال 1-2 مينۋت سالقىن سۋدىڭ استىندا تۇرۋ تىنىس الۋدى 6 ەسە جىلدامداتىپ، جۇرەك سوعىسىن 10-15 پايىز ەسەلەي تۇسەدى ەكەن. سالقىن دۋشتىڭ باسقا قانداي پايداسى بار؟

ەرىك- جىگەردى شىنىقتىرادى

سالقىن دۋش - ەرىك- جىگەردى دامىتۋعا ارنالعان تاماشا جاتتىعۋ. جىگەرلى ادام عانا جەتىستىككە جەتىپ، تابىستى بولادى. وعان قوسا ەرىك- جىگەردى شىڭداۋ ارقىلى ءومىر ءسۇرۋ سالتىن دا دۇرىس جاققا قاراي وزگەرتۋگە مۇمكىندىك بار. ال ەرىك- جىگەردى جاتتىقتىرۋ ءۇشىن كۇنىنە 1 مينۋت قانا جەتكىلىكتى. ول ءۇشىن سالقىن دۋشقا ءتۇسۋ قاجەت.

شىدامدى بولۋعا ۇيرەتەدى

ادام قولايسىزدىقتى باستان وتكىزىپ قانا وعان بەيىمدى بولا تۇسەدى. سالقىن دۋش ارقىلى بويىڭىزدى جاعىمسىز سەزىمگە ۇيرەتۋگە بولادى. وسىنىڭ ارقاسىندا ومىردە دە قىزبالىققا سالىنباي، شىدامدى بولۋعا ۇيرەنەسىز.

كىشىگىرىم مەديتاتسيا

مەديتاتسياعا تىنىس الۋ جاتتىعۋلارى كىرەدى. دەم الۋدى باقىلاۋدا ۇستاعاندا ۋاقىتتى دا قولعا الامىز. سالقىن دۋش بۇل اسەردى ەسەلەي تۇسەدى. ادام سالقىن سۋعا تۇسكەندە جىلدام تىنىس الىپ، دەم الۋدى عانا ويلايدى. وسىلايشا سالقىن دۋشقا ءتۇسىپ، پروبلەمانى ۇمىتىپ، كۇيزەلىستەن ارىلۋعا بولادى.

بويسۇنۋعا ۇيرەتەدى

سالقىن دۋش پسيحولوگيالىق «تەپكى» بەرۋدىڭ شەبەرى. بويىڭىزدى سالقىن سۋعا ۇيرەتۋ ءۇشىن ۇزاق تۇرۋ كەرەك. سالقىن دۋش قابىلداۋدى كۇندەلىكتى ادەتكە اينالدىرساڭىز، ءوزىڭىزدىڭ سابىرلى، قۋاتتى بولا تۇسكەنىڭىزدى بايقايسىز.

يممۋنيتەت كۇشەيەدى

سالقىن دۋش يممۋنيتەتتى كۇشەيتىپ، اعزانى ءتۇرلى اۋرۋلاردان قورعايدى. سالقىن دۋش بويعا قان جۇگىرتىپ، اعزانى جاتتىقتىرادى. سول ارقىلى اعزا بويداعى باكتەريا مەن ۆيرۋسقا قارسى تۇرا الادى.

massaget.kz