+7 (701) 759 90 19
-18 °С : نۇر-سۇلتان
-7 °С : الماتى
USD 419.69 EUR 510.89
RUB 5.63 CNY 64.82
جاڭالىقتار

« قىزىل ايماقتا» 5 ءوڭىر قالىپ وتىر: اسقار مامين ۆەدومستۆوارالىق كوميسسيا وتىرىسىن وتكىزدى

23 قاراشا 20:20
:ءبولىسۋ
« قىزىل ايماقتا» 5 ءوڭىر قالىپ وتىر: اسقار مامين ۆەدومستۆوارالىق كوميسسيا وتىرىسىن وتكىزدى

نۇر- سۇلتان. قازاقپارات – ق ر پرەمەر- ءمينيسترى اسقار مامين ەل اۋماعىندا كوروناۆيرۋس ينفەكتسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ (ۆ ا ك) سەلەكتورلىق وتىرىسىن وتكىزدى.

قازاقپارات بۇل تۋرالى primeminister.kz سايتىنا سىلتەمە جاساپ حابارلايدى. ق ر پرەزيدەنتى قاسىم- جومارت توقايەۆتىڭ بيىلعى 16- قاراشا كۇنى وتكەن ۆ ا ك وتىرىسىندا بەرگەن تاپسىرمالارىنىڭ ورىندالۋ بارىسى قارالدى. سانيتارلىق- ەپيدەميولوگيالىق جاعداي جانە قابىلدانىپ جاتقان شارالار تۋرالى دەنساۋلىق ساقتاۋ ءمينيسترى الەكسەي سوي، دارىلىك زاتتاردىڭ باعا ساياساتىنا مونيتورينگ جۇرگىزۋ جونىندەگى جۇمىس تۋرالى باسەكەلەستىكتى قورعاۋ جانە دامىتۋ اگەنتتىگىنىڭ ءتوراعاسى سەرىك جۇمانعارين، وتاندىق جەكە قورعانىش قۇرالدارىن وندىرۋشىلەردى شيكىزاتپەن قامتاماسىز ەتۋ تۋرالى يندۋستريا جانە ينفراقۇرىلىمدىق دامۋ ۆيتسە- ءمينيسترى امانياز ەرجانوۆ، ءى ءى م ستاتسيونارلارى مەن اسكەري گوسپيتالدارىنىڭ دايىندىعى تۋرالى قورعانىس ءمينيسترى نۇرلان ەرمەكبايەۆ جانە ىشكى ىستەر ءمينيسترى ەرلان تۇرعىمبايەۆ، ءبىلىم بەرۋ ساپاسىن باقىلاۋدى كۇشەيتۋ تۋرالى ءبىلىم ءمينيسترى اسحات ايماعامبەتوۆ، وڭىرلەردەگى احۋال تۋرالى نۇر- سۇلتان قالاسىنىڭ اكىمى التاي كولگىنوۆ، پاۆلودار وبلىسىنىڭ اكىمى ءابىلقايىر سقاقوۆ، سولتۇستىك قازاقستان وبلىسىنىڭ اكىمى قۇمار اقساقالوۆ، قوستاناي وبلىسىنىڭ اكىمى ارحيمەد مۇحامبەتوۆ باياندادى. كوروناۆيرۋسپەن سىرقاتتانۋشىلىقتىڭ ءوسۋى قازاقستاننىڭ بارلىق وڭىرلەرىندە دەرلىك تىركەلدى. ۆيرۋستىڭ رەپرودۋكتيۆتىلىك كورسەتكىشى رەسپۋبليكا بويىنشا 1,07 قۇرايدى. ينفەكتسيالىق توسەك- ورىنداردىڭ تولىعۋى - %22، رەانيماتسيالىق توسەك- ورىنداردىڭ تولىعۋى - %17.

« قىزىل ايماقتا» 5 ءوڭىر قالىپ وتىر: شىعىس قازاقستان، پاۆلودار، قوستاناي، سولتۇستىك قازاقستان، اقمولا وبلىستارى.

«سارى ايماقتا» 2 ءوڭىر بار: باتىس قازاقستان وبلىسى جانە نۇر- سۇلتان قالاسى. ۇكىمەت باسشىسى دەنساۋلىق ساقتاۋ، يندۋستريا مينيسترلىكتەرىنە اكىمدىكتەرمەن بىرلەسىپ، مەديتسينالىق جابدىقتاردى جەتكىزۋدى اياقتاۋدى جانە ينفەكتسيالىق ستاتسيونارلاردىڭ رەانيماتسيالىق بولىمشەلەرىن تولىق جابدىقتاۋدى قامتاماسىز ەتۋدى تاپسىردى.

پرەمەر- مينيستر ەپيدەميولوگيالىق احۋالدىڭ ناشارلاۋى مۇمكىن جاعدايدا ۆەدومستۆولىق اۋرۋحانالار مەن گوسپيتالداردىڭ %100 دايىندىعىن قامتاماسىز ەتۋدى تاپسىردى. ىشكى ىستەر، ەڭبەك، ءبىلىم، قورعانىس مينيسترلىكتەرىنە اكىمدىكتەرمەن بىرلەسىپ، ۇيىمداستىرىلعان ۇجىمداردا پروفيلاكتيكالىق جانە ەپيدەمياعا قارسى ءىس- شارالاردىڭ ساقتالۋىنا باقىلاۋدى كۇشەيتۋ تاپسىرىلدى. دەنساۋلىق ساقتاۋ مينيسترلىگىنە، اكىمدىكتەرگە كوروناۆيرۋس ينفەكتسياسىنا جاسالعان زەرتحانالىق زەرتتەۋلەردىڭ دۇرىستىعىن (قايتا تەستىلەۋدى) قامتاماسىز ەتۋ بويىنشا شارالار قابىلداۋ تاپسىرىلدى.

بۇل رەتتە زەرتتەۋلەردىڭ اشىقتىعىن قامتاماسىز ەتۋ ماقساتىندا وسى جىلعى 1-جەلتوقسانعا دەيىن زەرتحانالاردى ءبىرىڭعاي اقپاراتتىق جۇيەمەن ينتەگراتسيالاۋ جۇمىسى اياقتالادى. دەنساۋلىق ساقتاۋ مينيسترلىگىنە ءبىر اپتا مەرزىمدە ءدارى- دارمەكتىڭ شەكتى قۇنىن تومەندەتۋ ماقساتىندا كوروناۆيرۋسقا قارسى پرەپاراتتاردىڭ باعاسىن رەتتەۋ ءتارتىبىن وزگەرتۋ تاپسىرىلدى. باسەكەلەستىكتى قورعاۋ جانە دامىتۋ اگەنتتىگىنە ق ر- داعى كوروناۆيرۋسقا قارسى پرەپاراتتار قۇنىنىڭ جوعارىلاۋىنا جول بەرمەۋ ماقساتىندا شەتەلدىك فارماتسيەۆتيكالىق نارىقتارداعى باعا كونيۋنكتۋراسىنا تالداۋ جۇرگىزۋ تاپسىرىلدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات