الماتىدا پارا العان پوليتسيا مايورى 5 جىلعا سوتتالدى

الماتى. قازاقپارات - الماتىدا پوليتسيا قىزمەتكەرى بىرنەشە رەت الاياقتىق جاساپ، پارا بەرۋگە ماجبۇرلەگەنى ءۇشىن سوتتالدى، دەپ حابارلايدى قازاقپارات ءتىلشىسى.

بۇل قىلمىستىق ءىس №2 مەدەۋ اۋداندىق سوتىندا قارالعان بولاتىن.

«سوت ۇكىمىمەن كۇدىكتى ق ر قك- ءنىڭ 190-بابى 3-بولىگىنىڭ 1-تارماعىمەن، 28-بابىنىڭ 4-بولىگىمەن، 367-بابىنىڭ 2-بولىگىمەن ايىپتى دەپ تانىلىپ، 5 -جىلعا باس بوستاندىعىنان ايىرىلدى»، - دەدى قالالىق سوتتىڭ باسپا ءسوز قىزمەتىنەن.

سونداي- اق ول ق ر ق ك- ءنىڭ 49-بابى 1-بولىگىمەن «پوليتسيا مايورى» شەنىنەن ايىرىلدى. ءىس ماتەريالدارىنا سايكەس، 2011 -جىلى پوليتسيا قىزمەتكەرى پوليتسيانىڭ اۋىلدىق ءبولىمىن باسقارا وتىرىپ، الماتى وبلىسىندا جەر الىپ بەرۋگە كومەكتەسكەنى ءۇشىن 8 مىڭ ا ق ش دوللارىن العان.

«2014 -جىلى ول باسقارمانىڭ باسشى ورىنباسارى بولىپ تۇرعاندا بورىشكەردى ىزدەۋ جەلەۋىمەن تاعى ءبىر ادامنان «Merсedes Benz E-280» ماركالى كولىگىن جانە 5 مىڭ ا ق ش دوللارىن العان. سونىمەن قاتار، 2020 -جىلى پوليتسيانىڭ ۋاكىلەتتى تۇلعاسى بولا تۇرا قىلمىستىق ءىس جاساعان ادامعا بۇلتارتپاۋ شاراسىن ايقىنداۋ كەزىندە جانە جازانى جۇمسارتۋعا كومەكتەسكەنى ءۇشىن 7 مىڭ ا ق ش دوللارى مەن 150 مىڭ تەڭگە پارا بەرۋگە ماجبۇرلەگەن»، - دەدى قالالىق سوتتىڭ باسپا ءسوز قىزمەتىنەن.

اۆتور: گۇلميرا عوسمانالي