+7 (701) 759 90 19
-18 °С : نۇر-سۇلتان
-5 °С : الماتى
USD 423.87 EUR 505.25
RUB 5.59 CNY 64.43
جاڭالىقتار

قازاقستاندىق 5 وقۋشى حالىقارالىق بيزنەس-گرانتقا يە بولدى

29 قازان 09:13
:ءبولىسۋ
قازاقستاندىق 5 وقۋشى حالىقارالىق بيزنەس-گرانتقا يە بولدى

اتىراۋ. قازاقپارات - اتىراۋداعى نازاربايەۆ زياتكەرلىك مەكتەبىنىڭ 5 وقۋشىسى حالىقارالىق «MINIBOSS» بيزنەس-مەكتەبىنىڭ ءبىلىم گرانتىنا يە بولدى، دەپ حابارلايدى قازاقپارات.

كاسىپكەرلىكتى دامىتۋعا ارنالعان وقۋ ورنىندا نازاربايەۆ زياتكەرلىك مەكتەبىنىڭ وقۋشىلارى ءبىر جىل تەگىن ءبىلىم الادى. دارىندى بالالاردىڭ ءتول جوباسىن دايىنداۋعا قازاقستان مەن ۇلى بريتانيانىڭ بيزنەستە جۇرگەن جەتەكشى ماماندارى قولداۋ كورسەتۋدى كوزدەپ وتىر.

«سوڭعى ءۇش جىل بويى «MINIBOSS» قازاقستانداعى جاستاردىڭ كاسىپكەرلىك الەۋەتىن ارتتىرۋدى قولعا الدى. ال اتىراۋدا بيىل جۇمىسىن باستاعان ورتالىق وڭىردەگى جاس ونەرتاپقىشتاردىڭ باستامالارىن قولداۋعا نيەت ءبىلدىردى. حالىقارالىق بيزنەس-مەكتەپتىڭ قولداۋىنا العاشقىلاردىڭ قاتارىندا نازاربايەۆ زياتكەرلىك مەكتەبىنىڭ بەس وقۋشىسى يە بولدى. ولار مەكتەپشىلىك كونكۋرستاردا كوزگە تۇسكەن، الەۋمەتتىك قولداۋدى قاجەت ەتەتىن وتباسىدان شىققان بالالار»، - دەيدى بيزنەس-مەكتەپتىڭ ديرەكتورى ليليانا حەگاي.

ونىڭ ايتۋىنشا، اتالعان وقۋ ورنىن ەۋروپالىق بيزنەستى دامىتۋ قاۋىمداستىعى قارجىلاندىرادى. قازىر زياتكەرلىك مەكتەپتىڭ بەس وقۋشىسىنا 7500 ەۋرو كولەمىندەگى ءبىلىم گرانتى ءبولىندى. وقۋشىلار تەوريالىق ءبىلىمدى ءتۇرلى ويىندار، تاجىريبەلەر نەگىزىندە مەڭگەرەدى. كەيىن وزدەرىنىڭ جوباسىن ينۆەستورلار الدىندا قورعايدى. ۇسىنعان يدەيا ءساتتى بولسا، اتىراۋلىق وقۋشىلار ۇلتتىق چەمپيوناتقا قاتىسادى. سونداي-اق، جوبانى ءارى قاراي قارجىلاندىرۋ جولى قاراستىرىلاتىنى بەلگىلى بولدى.

«ماقساتىمىز - الەمنىڭ 15 ەلىنەن بيزنەستەگى جاستاردىڭ باس قوساتىن اقتىق سايىسىنا جولداما الۋ. وعان قاتىسۋ ءۇشىن تىنىمسىز ەڭبەك ەتۋىمىز كەرەك. قازىرگى ساتتە الەمنىڭ الپاۋىت مەملەكەتتەرىنىڭ دارىندى بالالارى ءوز جوباسىن دايىنداۋدى باستاپ كەتتى»، - دەيدى حالىقارالىق «MINIBOSS» بيزنەس-مەكتەبىنىڭ ديرەكتورى.

ەسكە سالا كەتەلىك، بۇدان بۇرىن اتىراۋلىق وقۋشىلاردىڭ عىلىمي جۇمىسى حالىقارالىق جيناققا ەنگەن ەدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات