+7 (701) 759 90 19
-1 °С : نۇر-سۇلتان
11 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

قازاقستاندا 5- قازاننان باستاپ مەكتەپتەر ەرەكشە ءتارتىپ بويىنشا جاپپاي تەكسەرىلەدى - ەرالى توعجانوۆ

1 قازان 19:59
:ءبولىسۋ
قازاقستاندا 5- قازاننان باستاپ مەكتەپتەر ەرەكشە ءتارتىپ بويىنشا جاپپاي تەكسەرىلەدى - ەرالى توعجانوۆ

نۇر-سۇلتان. قازاقپارات - ق ر پرەمەر-ءمينيسترىنىڭ ورىنباسارى ەرالى توعجانوۆتىڭ توراعالىعىمەن وتكەن ۆەدومستۆوارالىق كوميسسيانىڭ وتىرىسىندا ەلىمىزدەگى جالپى ءبىلىم بەرۋ مەكتەپتەرىندە سانيتارلىق نورمالاردىڭ ساقتالۋى تالقىلاندى، دەپ حابارلايدى قازاقپارات ءتىلشىسى.

ق ر دەنساۋلىق ساقتاۋ ۆيتسە-ءمينيسترى - ق ر باس مەملەكەتتىك سانيتارلىق دارىگەرى ەرلان قياسوۆ وقۋ جىلىنىڭ باسىنان بەرى مەكتەپتەردە جۇرگىزىلگەن تەكسەرۋ مونيتورينگىنىڭ قورىتىندىسىن باياندادى.

ماسەلەن، 697 مەكتەپتىڭ 134 ىندە سانيتارلىق نورمالار بۇزىلعانى انىقتالعان. بۇل رەتتە، بۇزۋشىلىقتاردىڭ نەگىزگى بولىگى اۋىلدىق مەكتەپتەردە انىقتالعان.

تەكسەرۋ كەزىندە، كوپتەگەن مەكتەپتەردە پايدالانىلعان جەكە قورعانىس قۇرالدارىن جيناۋعا جانە جويۋعا ارنالعان ارنايى قوقىس جاشىكتەرىنىڭ جانە مەكتەپ ىشىندە ءجۇرۋ كەزىندە ارا قاشىقتىقتى ساقتاۋدى قامتاماسىز ەتەتىن بەلگىلەردىڭ بولماعانى انىقتالدى. سونداي-اق، قىزمەتكەرلەردىڭ بەتپەردە رەجيمىن ساقتاماۋ فاكتىلەرى انىقتالدى.

مىسالعا، ورال قالاسىنداعى 46№ مەكتەپتە، نۇر-سۇلتان قالاسىنداعى 55№ ورتا مەكتەپتە جانە سولتۇستىك قازاقستان وبلىسىنداعى 2№ بەسكول ورتا مەكتەبىندە، پاۆلودار وبلىسىنىڭ جاڭاتىلەك اۋىلىنداعى حايداروۆ اتىنداعى مەكتەپتە، باياناۋىل اۋدانىنداعى ۋىنبۇلاق ورتا مەكتەبىندە مۇعالىمدەر مەن وقۋشىلارعا تەرمومەتريا جۇرگىزىلمەگەن.

سونداي-اق، 33 مەكتەپتە سانيتايزەرلەردىڭ جەتىسپەۋشىلىگى مەن جەتكىلىكسىز مولشەردە ەكەندىگى انىقتالدى. اقمولا وبلىسىنىڭ ەكى مەكتەبى (ماكينسك قالاسى 5№ وم جانە شۋچينسك قالاسى 1№ و م)، ماڭعىستاۋ وبلىسىنىڭ اقتاۋ قالاسىنداعى «جايساڭ بالا» جانە «Zere « جەكەمەنشىك مەكتەپتەرىندە مەديتسينا قىزمەتكەرى جوق.

الماتى قالاسىندا، اقتوبە، اقمولا، شىعىس قازاقستان، باتىس قازاقستان، قوستاناي جانە ماڭعىستاۋ وبلىستارىندا 29 مەكتەپتە باكتەريتسيدتى شامدار (كۆارتستى) بولماعان. 15 مەكتەپتىڭ كىرەبەرىسىندە ارا قاشىقتىقتى ساقتاۋدى قامتاماسىز ەتۋ بەلگىلەرى جوق (نۇر-سۇلتان، الماتى قالالارى، اقمولا، پاۆلودار، جامبىل، ماڭعىستاۋ، س ق و جانە قاراعاندى وبلىستارى).

قوستاناي وبلىسىندا باكتەريتسيدتى شامدار مەن دەزينفەكتسيالىق كىلەمشەلەردىڭ بولماۋى بويىنشا ءبىرقاتار بۇزۋشىلىقتار انىقتالدى: قارابالىق اۋدانىنىڭ توعىز مەكتەبىندە، مايلين اۋدانىنىڭ ءتورت مەكتەبىندە جانە التىنسارين اۋدانىنىڭ 11 مەكتەبىندە.

جيىن قورىتىندىسى بويىنشا پرەمەر-ءمينيستردىڭ ورىنباسارى اكىمدەرگە بۇزۋشىلىقتاردى جويۋ بويىنشا شارالار قابىلداۋدى تاپسىردى. بيىلعى وقۋ جىلىنىڭ ەكىنشى توقسانىندا مەكتەپتەردىڭ قىزمەتىن قايتا باستاۋ تۋرالى شەشىم قابىلداۋ كەزىندە مەكتەپتەردىڭ دايىندىق جاعدايىن باعالاۋ ەسكەرىلەتىن بولادى.

اعىمداعى جىلدىڭ 5 - قازانىنان باستاپ جالپى ءبىلىم بەرۋ مەكتەپتەرىن ەرەكشە ءتارتىپ بويىنشا جاپپاي تەكسەرۋ جۇمىستارىنىڭ باستالاتىنىن اتاپ ءوتۋ قاجەت.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات