+7 (701) 759 90 19
-7 °С : نۇر-سۇلتان
-2 °С : الماتى
USD 419.54 EUR 509.2
RUB 5.72 CNY 64.81
جاڭالىقتار

كوروناۆيرۋس: ناۋقاستارعا ءدارىنىڭ 5 ءتۇرى تەگىن بەرىلەدى

10 تامىز 18:05
:ءبولىسۋ
كوروناۆيرۋس: ناۋقاستارعا ءدارىنىڭ 5 ءتۇرى تەگىن بەرىلەدى

نۇر- سۇلتان. قازاقپارات - دەنساۋلىق ساقتاۋ مينيسترلىگىنىڭ رەسمي وكىلى باعدات قوجاحمەتوۆ ەلىمىزدە ءدارى- دارمەك تاپشىلىعى ماسەلەسى قالاي شەشىلىپ جاتقانىن ايتتى، دەپ حابارلايدى قازاقپارات ءتىلشىسى.

«پروۆيزورلىق ورتالىقتاردا جەدەل ارەكەت ەتۋ ءۇشىن مەدقىزمەتكەرلەردى دايىنداۋدان بولەك، ءدارى- دارمەكتەرمەن تولىقتىرۋ بويىنشا اۋقىمدى جۇمىس اتقارىلۋدا. ك ۆ ي- عا ۇقساس بەلگىلەرى بار پنيەۆمونيامەن سىرقاتتانعان ناۋقاستار ءۇشىن الدىن الا ءبىر ايلىق قورعا ەسەپتەلىنگەن اپپاراتتار ساتىپ الىندى. وڭىرلەرگە 8,7 ميلليارد بولاتىن 91 ءتۇرلى ءدارى- دارمەك جونەلتىلدى. بۇل ورتاشا ەسەپپەن 40 مىڭ ناۋقاسقا جەتەدى»، - دەدى ب. قوجاحمەتوۆ بۇگىن ورتالىق كومۋمنيكاتسيالار قىزمەتىندە.

ونىڭ سوزىنە قاراعاندا، 15 - تامىزدان باستاپ تاعى ەكى ايعا جەتەتىن قور ازىرلەنەدى. ستاتسيونارداعى 200 مىڭ ناۋقاسقا جەتەتىن ءدارى- دارمەكتىڭ 50 ءتۇرى ازىرلەندى.

«سونىمەن قاتار، امبۋلاتورلىق جاعدايدا ەم الاتىن ءبىر ميلليون ناۋقاستى ەمدەۋگە ارنالعان ءدارى- دارمەكتىڭ 5 ءتۇرىن ساتىپ الۋ ءۇردىسى اياقتالۋدا. ءدال وسىنداي اۋقىمدى شارالار العاشقى رەت قابىلدانىپ وتىر»، - دەدى رەسمي وكىل.

«سىرقاتتانىپ، ۆيرۋس جۇقتىرۋ بويىنشا كۇدىكتەنسەڭىز، تىركەلگەن ەمحاناعا بارىپ قارالساڭىز بولادى. ەگەر ۆيرۋس جۇقتىرعانىڭىز انىقتالسا، بۇرىنعىداي ءدارىحانا جاعالاپ جۇرمەي- اق قويىڭىزدار! بارلىق ەمحانالاردا قاجەتتى ءدارى- دارمەك بار جانە اقىسىز بەرىلەدى. اتاپ ايتقاندا، پاراتسەتامول، يبۋپروفەن جانە باسقا دا قاجەتتى پرەپاراتتار ەلىمىزدىڭ بارلىق ەمحانالارىنا جەتكىزىلەدى. ءدارى- دارمەكتەردى جەتكىزۋ «س ق- فارماتسيا» كومپانياسى تاراپىنان جۇرگىزىلىپ جاتىر»، - دەدى ول.

اۆتور: رۋسلان عابباسوۆ



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات