07:51, 24 - شىلدە 2020 | GMT +6
ساتبايەۆ قالاسىندا 5 جاسار قىزدى ۇرلاعان كۇدىكتى ۇستالدى
قاراعاندى وبلىسى. قازاقپارات - ساتبايەۆ قالاسىندا قىز بالانى ۇرلاعان كۇدىكتى ۇستالدى، دەپ حابارلايدى قازاقپارات polisia.kz سايتىنا سىلتەمە جاساپ.
23- شىلدە كۇنى ساعات 21:00 دە ساتبايەۆ قالاسىنىڭ پوليتسياسىنا جەزقازعان تۇرعىنى ءوزىنىڭ 5 جاسار قىزى جوعالىپ كەتكەنى تۋرالى حابارلاعان.
ساتبايەۆ قالالىق پوليتسيا ءبولىمىنىڭ بارلىق قۇرامى مەن ۆولونتەرلەر قاتىسقان ىزدەۋ شارالارىنىڭ ناتيجەسىندە 5 جاسار بالا كوپقاباتتى ۇيدەگى پاتەرلەردىڭ بىرىنەن تابىلدى.
«ءبۇلدىرشىن قازىر اۋرۋحانادا جاتىر. كۇدىكتى ۇستالدى. ءبىراق ءبىر توپ ادام كۇدىكتىنى وزدەرىنە بەرۋدى تالاپ ەتۋدە. تارتىپسىزدىككە جول بەرمەۋ ءۇشىن قۇقىق قورعاۋ كۇشتەرى جۇمىلدىرىلدى. قاراعاندى وبلىسىنىڭ پوليتسيا دەپارتامەنتى قوعامدىق ءتارتىپتى جانە قالا تۇرعىندارىنىڭ قاۋىپسىزدىگىن قامتاماسىز ەتۋ ءۇشىن بارلىق قاجەتتى شارالاردى قابىلداۋدا»، دەلىنگەن حابارلامادا.