قوستاناي وبلىسىندا نايزاعاي ءتۇسىپ، 5 ورمان القابى ورتەندى
21- شىلدە كۇنى اۋليەكول، قارابالىق، ناۋىرزىم جانە ءجىتىقارا اۋداندارىندا جەرگە تۇسكەن نايزاعاي سىنىعىنان ورمان القاپتارى ورتەندى. بارلىق ءورت ۋاقىتىندا ءسوندىرىلدى. ءتىلسىز جاۋ جالپى اۋدانى 56,47 گەكتار ورمان القابىن شارپىپ ۇلگەرگەن، الايدا ەلدى مەكەندەرگە قاۋىپ توندىرمەدى.
«ءورت بولعان القاپتارعا وبلىستىق توتەنشە جاعداي دەپارتامەنتىنىڭ ءورت سوندىرۋشىلەرى مەن ورمان شارۋاشىلىعىنىڭ قىزمەتكەرلەرى شىقتى. جەكە قۇرامنىڭ 8 قىزمەتكەرى مەن 2 تەحنيكاسى، ورمان شارۋاشىلىقتارى تاراپىنان 26 تەحنيكا مەن 64 جۇمىسشى جۇمىلدىرىلدى. زارداپ شەككەندەر جوق. ءورت سوندىرۋشىلەر مەن قۇتقارۋشىلاردىڭ جەدەل قيمىلىنىڭ ارقاسىندا ورماندى شارپىعان ءورت دەر ۋاقىتىندا ءسوندىرىلدى»، - دەلىنگەن ت ج د باسپا ءسوز قىزمەتىنىڭ اقپاراتىندا.
توتەنشە جاعدايلار دەپارتامەنتىنىڭ قىزمەتكەرلەرى ورمانداردا رەيدكە شىعىپ، ازاماتتارعا قاۋىپسىزدىك ەرەجەلەرىن تۇسىندىرەدى. دەگەنمەن، اپتاپ ىستىقتا ورمانعا بارىپ دەمالۋشىلاردىڭ ازايماي تۇرعانىن ايتادى ماماندار.