رەسەيدە كوروناۆيرۋستان قايتىس بولعاندار سانى 5 مىڭنان استى

None
None
ماسكەۋ. تاسس- قازاقپارات - رەسەيدە سوڭعى تاۋلىكتە كوروناۆيرۋستان 182 ادام قايتىس بولعان.

اۋرۋدان كوز جۇمعاندار سانى - 5037. بۇل تۋرالى سەيسەنبى كۇنى جۋرناليستەرگە جاڭا ينفەكسيامەن كۇرەس جونىندەگى جەدەل شتاب ءمالىم ەتتى دەپ حابارلايدى قازاقپارات تاسس اگەنتتىگىنە سىلتەمە جاساپ.

رەسەيدە ءبىر تاۋلىكتە انىقتالعان كوروناۆيرۋس ينفەكسيالارىنىڭ سانى – 8863، بۇل رەتتە كۇنىنە 11 108 پاتسيەنت ەمدەلىپ اۋرۋحانادان شىقتى. دەرەكتەرگە سايكەس، ءبىر تاۋلىكتە ساۋىعىپ شىققان پاتسيەنتتەردىڭ سانى جاڭادان انىقتالعان جاعدايلاردىڭ سانىنان % 25 جوعارى.

رەسەيدە بارلىعى 423741 ادام كوروناۆيرۋس جۇقتىرعان، ونىڭ 186985 ى (%44) ەمدەلىپ شىقتى.

كوروناۆيرۋس جۇقتىرۋدىڭ 732 جاڭا جاعدايى - ماسكەۋ وبلىسىندا، 376 سى - سانكت پەتەربۋرگتە، 354 ى - نيجەگورود وبلىسىندا، 292 سى - سۆەردلوۆ جانە 253 ى - روستوۆ وبلىستارىندا تىركەلگەن.

ەل استاناسىندا بارلىعى 185354 ادام ۆيرۋس جۇقتىرعان، 88269 پاتسيەنت ەمدەلىپ شىقسا، 2625 ناۋقاس قايتىس بولعان.

سوڭعى جاڭالىقتار