+7 (701) 759 90 19
30 °С : نۇر-سۇلتان
33 °С : الماتى
USD 405.66 EUR 454.70
RUB 5.71 CNY 57.43
جاڭالىقتار

اتىراۋدا 5 جىل ۇزىلىستەن كەيىن وزەن پورتى جۇمىسىن قايتا باستادى

30 مامىر 16:19
:ءبولىسۋ
اتىراۋدا 5 جىل ۇزىلىستەن كەيىن وزەن پورتى جۇمىسىن قايتا باستادى

اتىراۋ. قازاقپارات - اتىراۋدا بەس جىل ۇزىلىستەن كەيىن وزەن پورتى جۇمىسىن قايتادان باستادى، دەپ حابارلايدى قازاقپارات.

بۇدان بەس جىل بۇرىن اتىراۋ وزەن پورتىنىڭ جۇمىسى توقتاعان بولاتىن. وعان باستى سەبەپ - جايىق- كاسپيي كانالىنىڭ ءتۇبىن تەرەڭدەتۋ جۇمىسىنىڭ جۇرگىزىلمەۋى.


«بۇل پورت بۇرىنعى گۋريەۆ قالاسىندا 1926 -جىلى اشىلعان ەدى. سودان بەرى ءبىر عاسىرعا جۋىق كەمەمەن جۇك تاسىمالدانىپ كەلدى. ال، 2010 -جىلى پورتقا رەكونسترۋكتسيا جۇرگىزىلىپ، جىل سايىنعى جۇك قابىلداۋ قۋاتىن 15 مىڭ تونناعا جەتكىزگەن ەدىك. الايدا، بەس جىل بۇرىن جۇمىسىمىزدى توقتاتۋعا ءماجبۇر بولدىق. ويتكەنى، جايىق- كاسپي كانالىمەن جۇك تاسىمالداۋ مۇمكىن بولمادى. كانال جولى بىتەلىپ، تەرەڭدەتۋ جۇمىستارىن جۇرگىزۋ قاجەت بولدى»، - دەيدى اتىراۋ وزەن پورتىنىڭ ديرەكتورى ازامات زۇلحارنايەۆ.


ونىڭ ايتۋىنشا، پورتقا سۋ جولىمەن سوڭعى رەت 2015 -جىلى جۇك كەلگەن. سول كەزدە شەتەلدىك مۇناي جانە وسى سالاداعى سەرۆيستىك كومپانيالارىنىڭ تاپسىرىسىمەن جەتكىزىلگەن جۇك قابىلدانعان. سودان كەيىن اتىراۋعا سۋ جولىمەن كەلەتىن جۇكتەر ماڭعىستاۋداعى باۋتين پورتىنا جەتكىزىلگەن. ەندى مىنە، اتىراۋ وزەن پورتىنا بەس جىلدان كەيىن ءىرى گاباريتتى جۇك جەتكىزىلدى. بۇل - گاز- حيميا كەشەنى ءۇشىن وڭتۇستىك كورەيادا قۇراستىرىلعان پروپان ساقتايتىن رەزەرۆۋارلار.


«ءبىز گاز- حيميا كەشەنىنىڭ قۇرىلىسىنا قاجەتتى رەزەرۆۋارلاردى قابىلداپ الدىق. ونىڭ سالماعى - 532 توننا. ءىرى گاباريتتى جۇكتى ەكى بارجامەن جەتكىزدى. جاقىندا تاعى وسىنداي ءۇش بارجامەن كەلەتىن اۋىر جۇكتى كۇتىپ وتىرمىز»، - دەيدى وزەن پورتىنىڭ قىزمەتكەرى رۋسلان اسانوۆ.

وزەن پورتىنىڭ ديرەكتورى ازامات زۇلحارنايەۆتىڭ ايتۋىنشا، ەندى مۇندا الىس جانە جاقىن شەتەلدەردەن تاۋاردىڭ كەز كەلگەن ءتۇرى تيەلگەن سۋ كولىكتەرىن قابىلداۋعا تولىق مۇمكىندىك بار.

اۆتور: بەك مۇستافا


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات