09:12, 13 - مامىر 2020 | GMT +6
بەسىنشى قاباتتان 5 جاسار بالا قۇلاپ كەتتى
قوستاناي. قازاقپارات - قوستاناي وبلىسىندا 5 جاسار بالا تەرەزەدەن قۇلاپ كەتتى، دەپ حابارلايدى قازاقپارات وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتىنە سىلتەمە جاساپ.
وقيعا كەشە ساعات 17.00 شاماسىندا ءجىتىقارا قالاسىندا بولعان. بالا ءۇيدىڭ بەسىنشى قاباتىنداعى بالكوننان قۇلاپ كەتكەن.
«وقيعا ورنىنا جەتكەن فەلدشەردىڭ ايتۋىنشا، ءسابي قاراۋسىز قالعان. تەرەزەدەگى ماسكيت تورىن باسىپ قالىپ، تومەنگە قۇلاپ كەتكەن. قاڭقا سۇيەكتەرى سىنباعان. ساعات 17.09 كەزىندە ستاتسيونارعا جاتقىزىلدى. قازىر ول دارىگەرلەردىڭ قاراۋىندا»، - دەپ حابارلادى ۆەدومستۆونىڭ باسپا ءسوز قىزمەتىندەگىلەر.
ءمالىم بولعانداي، بالا گۇلزاردىڭ ۇستىنە قۇلاپ، امان قالعان. قازىر تەكسەرۋ شارالارى ءجۇرىپ جاتىر.