شەتەلدە 5 ميلليوننان استام قانداس تۇرادى- دۇنيەجۇزى قازاقتارى قاۋىمداستىعى

نۇر- سۇلتان. قازاقپارات - شەتەلدە 5 ميلليوننان استام ەتنيكالىق قازاق تۇرادى. بۇل تۋرالى دۇنيەجۇزى قازاقتارى قاۋىمداستىعىنىڭ باسپاءسوز حاتشىسى سىرىمبەك تولەۋ ۇلى ءمالىم ەتتى، دەپ حابارلايدى قازاقپارات ءتىلشىسى.

«عالىمدار، ءار عىلىمي زەرتتەۋ ورتالىعى ءتۇرلى مالىمەتتەردى كەلتىرىپ جاتىر. كەيبىر ورتالىقتار شەتەلدەگى ەتنيكالىق قازاقتار سانى 7 ميلليون دەسە، باسقالارى وزگە مالىمەتتەردى جاريالاۋدا. بىزدەگى مالىمەتكە قاراعاندا، ياعني رەسمي دەرەك بويىنشا وسىدان بىرنەشە جىل بۇرىن 5 ميلليون بولعان. قازىرگى كەزدە شەتەلدەگى ەتنيكالىق قازاقتار 5 ميلليوننان استى»، - دەدى سىرىمبەك تولەۋ ۇلى.

دۇنيەجۇزى قازاقتارى قاۋىمداستىعىنىڭ مالىمەتىنشە، رەسمي دەرەك بويىنشا ەتنيكالىق قازاقتار سانى 6 ميلليونعا جەتكەن جوق.

«قانداستاردىڭ كوبىسى وزبەكستاندا، قىتايدا، رەسەيدە جانە موڭعوليادا ءومىر ءسۇرىپ جاتىر. تۇركيا مەن ەۋروپادا دا بار، ءبىراق ايتارلىقتاي كوپ ەمەس» ، - دەدى س. تولەۋ ۇلى.