شىمكەنتتە كوروناۆيرۋس جۇقتىرعان 5 ادام ءبىر وتباسى مۇشەلەرى بولىپ شىقتى

شىمكەنت. قازاقپارات - شىمكەنتتە سوڭعى تاۋلىكتە كوروناۆيرۋس جۇقتىرعان تاعى 5 ادام ءبىر وتباسى مۇشەلەرى بولىپ شىقتى.

بۇل تۋرالى قالالىق توتەنشە جاعداي شتابى مالىمەت تاراتتى، دەپ حابارلايدى قازاقپارات ءتىلشىسى.

«قالادا 5- ءساۋىر كۇنى انىقتالعان 5 ادام — ءبىر وتباسىنىڭ مۇشەسى. ولار: اكەسى، اناسى، اعاسى، ايەلى، بالاسى بولىپ تابىلادى. سول ازاماتتاردان الىنعان سىناما ينفەكتسياعا وڭ ناتيجە كورسەتتى. بۇل ناۋقاستار بۇعان دەيىن نۇر-سۇلتان قالاسىنان كەلگەن 24 جاسار ناۋقاسپەن بايلانىستا بولعانى انىقتالىپ وتىر. قازىرگى تاڭدا بارلىق ىندەت جۇقتىرعاندار وقشاۋلانىپ، قالالىق جۇقپالى اۋرۋلار اۋرۋحاناسىنا اۋىستىرىلدى» دەلىنگەن حابارلامادا.

ايتا كەتەيىك، ءۇشىنشى مەگاپوليستە بۇگىنگە دەيىن 19 ادامنىڭ قاۋىپتى ىندەتكە شالدىققانى انىقتالىپ وتىر.