كوروناۆيرۋسقا قاتىستى مازاسىزدىقتان قۇتىلۋدىڭ 5 جولى

None
None
نۇر-سۇلتان. قازاقپارات - كوروناۆيرۋس پاندەمياسى ءبىر ادامنىڭ نە مىڭ ادامنىڭ عانا ەمەس، بار الەمنىڭ ءومىرىن وزگەرتتى. وسىنىڭ سالدارىنان كوبىن قورقىنىش سەزىمى مازالايدى.

ءوز دەنساۋلىعىنان بولەك، كىم- كىم دە تۋعاندارى ءۇشىن، ولاردىڭ اماندىعى ءۇشىن ۋايىمعا بەرىلگەن. پسيحولوگ ماماندار وسىعان وراي بىرنەشە كەڭەس بەرەدى.

وزىڭىزگە كوڭىل ءبولىڭىز

مازاسىزدىققا بوي الدىرعان ادام ءوزىن ەڭ الدىمەن ۇمىتىپ كەتەدى. پسيحيكانىڭ ساۋلىعىن ساقتاۋ ءۇشىن ادەتتەگىدەي 7 ساعاتتان كەم ۇيىقتاماۋ كەرەك. قابات ۇيدە تۇراتىندار سپورتپەن شۇعىلدانىپ، كارانتيندى جەر ۇيدە وتكىزىپ جاتقاندار كۇندەلىكتى شارۋامەن اينالىسۋ ارقىلى ءوزىن سابىرعا شاقىرا الادى. فيزيكالىق جاتتىعۋ پسيحولوگيالىق پايدا دا اكەلەدى. سۇيىكتى ىسىڭىزبەن شۇعىلدانىڭىز.

تازا اۋامەن تىنىستاڭىز

سىرتقا شىعىپ سەرۋەندەۋ ءسىزدىڭ بويىڭىزداعى مازاسىزدىقتى ودان ءارى ارتتىراتىن بولسا، تەرەزەنى اشىق قالدىرىڭىز. نەمەسە بالكونعا شىعىپ، ءسال تىنىستاڭىز. ءۇيدىڭ ماڭىنداعى اللەيا نە پارككە بارا قالساڭىز، كوشەدەگى ادامداردان كەم دەگەندە 1,5 مەتر الشاق ءجۇرىڭىز.

كۇنى بويى ەكرانعا تەلمىرمەڭىز

كۇنى بويى باعدارلاما، كينوفيلم نەمەسە كونسەرت كورىپ وتىرا بەرۋگە بولادى. ءبىراق، ءالسىن- ءالسىن جاڭالىقتار پورتالىنا كىرىپ، كوروناۆيرۋس تۋرالى ساعات سايىن جازىلىپ جاتقان ماقالالاردان جانىڭىز تۇرشىگەتىن بولسا، مۇنى توقتاتقان ءجون. قالاي بولعاندا دا تاڭ اتىسىمەن گادجەتكە قاراپ وتىرۋ جاقسىلىققا اكەلمەيدى. ۇيىقتاردان ەكى ساعات بۇرىن دا وسى ەرەجەنى ەسىڭىزگە ءتۇسىرىڭىز.

ءسال تىنىعىپ الىڭىز

جان تىنىشتىعىن ىزدەۋ جولىندا ون جىلدىق تاجىريبەسى بار يوگ نەمەسە مەديتاتسيا شەبەرى بولۋدىڭ قاجەتى جوق. جاي عانا ءۇيدىڭ ءتىرى جانسىز بوس بۇرىشىن تاۋىپ، سول جەردە ءبىراز وتىرىپ، ويىڭىزدى جيناقتاڭىز. تەڭىز جاعاسىندا سەرۋەندەپ جۇرگەندەي كۇيگە تۇسۋگە تىرىسىڭىز. ادامدارمەن تىلدەسىڭىز ءيا، كارانتين كەزىندە ءومىر بويى بار قيىندىعىڭىزدى ءبولىسىپ، ونىڭ شەشىمىن تابۋعا كومەكتەسىپ جۇرگەن جاقىن دوسىڭىزبەن كەزدەسۋدىڭ ءوزى ارمانعا اينالدى. دەسە دە تەحنولوگيا دامىعان زاماندا بۇل اسا ۇلكەن قيىندىق تۋدىرمايتىنى انىق. ۆيدەوچاتتار ارقىلى دا سوتسيۋممەن بايلانىس ورناتۋعا بولادى. سول سەبەپتى تۋعاندارىڭىز بەن دوستارىڭىزعا ۋاقىت ءبولىڭىز. اسىرەسە، سىزگە جاقسى ىقپال ەتەتىن، ءار ءسوزى كوڭىلىڭىزگە جاعاتىن ادامدارمەن ءجيى تىلدەسىڭىز.

Massaget.kz

سوڭعى جاڭالىقتار