15:51, 05 - اقپان 2020 | GMT +6
قازاقستان تەڭىز پورتتارىندا جۇك اينالىمى 5 ميلليون توننادان استى
نۇر- سۇلتان. قازاقپارات - قازاقستان تەڭىز پورتتارىنداعى جۇك اينالىمى 5 ميلليون توننادان استى، دەپ حابارلايدى قازاقپارات ق ر يندۋستريا جانە ينفراقۇرىلىمدىق دامۋ مينيسترلىگىنە سىلتەمە جاساپ.
«ءتۇرلى تونناداعى كەمەلەرگە قىزمەت كورسەتەتىن اقتاۋ، باۋتينو جانە قۇرىق تەڭىز پورتتارى - ەل ەكونوميكاسىن ودان ءارى دامىتۋعا مۇمكىندىگى مول دامۋشى تەڭىز پورتتارى. ق ر يندۋستريا جانە ينفراقۇرىلىمدىق دامۋ مينيسترلىگى كولىك كوميتەتىنىڭ «قازاقستان رەسپۋبليكاسىنىڭ پورتتارىنىڭ تەڭىز اكىمشىلىگى» رەسپۋبليكالىق مەملەكەتتىك مەكەمەسى - اقتاۋ، قۇرىق جانە باۋتينو تەڭىز پورتتارىنىڭ اكۆاتورياسىندا تەڭىز كەمەلەرىن پايدالانۋ سالاسىنداعى باقىلاۋ- قاداعالاۋ جانە ىسكە اسىرۋ فۋنكسيالارىن جۇزەگە اسىراتىن اۋماقتىق بولىمشە. 2019 -جىلدىڭ قورتىندىسىندا ولاردىڭ جالپى جۇك اينالىمى 5 ميلليون توننادان استى» ، - دەلىنگەن باسپا ءسوز رەليزىندە.