اقىلى جولداردان 5 ميلليارد تەڭگەدەن استام ءتۇسىم ءتۇستى

نۇر-سۇلتان. قازاقپارات - وتكەن جىلدىڭ قورىتىندىلارىنا سايكەس نۇر- سۇلتان - شۋچينسك، نۇر- سۇلتان - تەمىرتاۋ، الماتى - قورعاس جانە الماتى - قاپشاعاي اقىلى جولدارىنان تۇسكەن ءتۇسىم 5,4 ميلليارد تەڭگەنى قۇرادى.

 ول قاراجاتتىڭ 3,8 ميلليارد تەڭگەسى اقىلى اۆتوموبيل جولدارىن، 1,6 ميلليارد تەڭگەسى تولەم الۋ جۇيەسىن كۇتىپ ۇستاۋ شارالارىنا جۇمسالدى، دەپ حابارلايدى ق ر ي ي د م باسپا ءسوز قىزمەتى.

 2018 -جىلدىڭ سايكەس كەزەڭىمەن سالىستىرعاندا، وتكەن جىلى اقىلى جولداردان 3,5 ەسەگە ارتىق قاراجات ءتۇستى. ويتكەنى ارعى جىلى قازاقستاندا نۇر- سۇلتان - شۋچينسك جولى عانا اقىلى بولاتىن. جىل سايىن بۇل جولدان تۇسكەن ءتۇسىم كولەمى 1,5 ميلليارد تەڭگەنى قۇرادى. بۇگىنگى تاڭدا ەلدەگى اقىلى جولداردىڭ جالپى ۇزاقتىعى - 682 شاقىرىم.

 2019 -جىلدىڭ جەلتوقسانىندا ينۆەستيتسيالىق كونكۋرستىڭ قورىتىندىلارى بويىنشا كونسورتسيۋممەن جولداردىڭ 11 مىڭ شاقىرىمىندا تولەم الۋ جۇيەسىن ورناتۋ جانە ونى كۇتىپ ۇستاۋ تۋرالى قۇجاتقا قول قويىلدى. كەلىسىمگە سايكەس بيىل قايتا قۇرىلىمداۋدان وتكەن 5,7 مىڭ شاقىرىمدىق جول ۋچاسكەلەرىندە تولەم الۋ جۇيەسى ورناتىلادى دەپ جوسپارلانىپ وتىر. جولداردىڭ قالعان 5,3 مىڭ شاقىرىمى 2024 -جىلعا دەيىن قايتا قۇرىلىمداۋ شارالارىنىڭ اياقتالۋ مەرزىمىنە بايلانىستى اقىلى بولماق. اقىلى جولدار جۇيەسىن ەنگىزۋ ارقىلى سول جولداردىڭ كۇتىمىنە بيۋدجەتتەن قاراجات بولىنبەيتىن بولدى. ياعني بارلىق شىعىن جينالعان قاراجات ەسەبىنەن قامتاماسىز ەتىلەدى.

www.24.kz