10:42, 15 - قاڭتار 2020 | GMT +6
ماڭعىستاۋدا ءبىر وتباسىنىڭ 5 ادامى گازدان ۋلاندى
ءتۇپقاراعان اۋدانى. قازاقپارات - ءتۇپقاراعان اۋدانى اتاش اۋىلىندا ءبىر وتباسىنىڭ 5 ادامى گازعا ۋلانىپ قالدى، دەپ حابارلايدى قازاقپارات ءتىلشىسى.
وقيعا قاڭتاردىڭ 13 نەن 14 نە قاراعان ءتۇنى بولعان.
م و دەنساۋلىق ساقتاۋ باسقارماسى باسپا ءسوز قىزمەتىنىڭ حابارلاۋىنشا، «103» نومىرىنە قوڭىراۋ ساعات 00: 47-دە تۇسكەن.
«زارداپ شەككەندەردىڭ اراسىندا بالالار دا بار. دارىگەردىڭ كومەگىنە 2007، 2008، 2012، 2017 -جىلى تۋعان بالالار جانە 58 جاستاعى ايەل جۇگىندى. زارداپ شەككەندەردىڭ بارلىعى اۋداندىق اۋرۋحاناعا جەتكىزىلدى. كەيىن بارلىعى دا ۇيلەرىنە جىبەرىلدى»، - دەدى ءتۇپقاراعان اۋدانى ورتالىق اۋرۋحاناسىنىڭ باس دارىگەرى گۇلشات شالابايەۆا.
كەيىن انىقتالعانداي، اجەسى كەتىپ قالعان كەزدە كىشكەنتاي نەمەرەسى ويناپ ءجۇرىپ، گازدىڭ تەتىگىن اشىپ تاستاعان.
اۆتور: ءلايلىم ءالىم