+7 (701) 759 90 19
-6 °С : نۇر-سۇلتان
-4 °С : الماتى
USD 377.29 EUR 418.41
RUB 6.09 CNY 54.66
جاڭالىقتار

پرەزيدەنت تاپسىرماسى: ەلىمىزدە تاعى 5 جوعارى وقۋ ورنىنىڭ ليتسەنزياسى توقتاتىلماق

11 جەلتوقسان 11:35
:ءبولىسۋ
پرەزيدەنت تاپسىرماسى: ەلىمىزدە تاعى 5 جوعارى وقۋ ورنىنىڭ ليتسەنزياسى توقتاتىلماق

نۇر-سۇلتان. قازاقپارات - ءبىلىم جانە عىلىم مينيسترلىگى قوسىمشا تەكسەرۋ جۇمىستارىن جۇرگىزە كەلە، 5 جوعارى وقۋ ورنىنىڭ ليتسەنزياسىن ۋاقىتشا توقتاتۋ تۋرالى شەشىم قابىلدادى، دەپ حابارلايدى قازاقپارات ءتىلشىسى.

«ءبىز بۇعان دەيىن، ەلىمىزدە 5 ج و و ليتسەنزياسىنىڭ ۋاقىتشا توقتاتىلعانىن حابارلاعان بولاتىنبىز. بۇگىندە ج و و-نا قوسىمشا تەكسەرۋ جۇمىستارىن جۇرگىزۋدەمىز، سونىڭ ناتيجەسىندە تاعى 5 ج و و-نىڭ ليتسەنزياسىن ۋاقىتشا توقتاتۋ تۋرالى شەشىم قابىلدادىق. شەشىممەن كەلىسپەيتىن ج و و-نىڭ زاڭ بويىنشا شاعىمدانۋعا 10 كۇن ۋاقىتى بار. ەگەر شاعىم تۇسپەسە نەمەسە شاعىمدانعان جاعدايدىڭ وزىندە سوت شەشىمدى وزگەرتپەسە ءبىز ولاردىڭ اتاۋلارىن جاريالاي الامىز. جالپى ج و و بويىنشا پروبلەمالار جەتكىلىكتى.

انىقتالعانداي، 1-كۋرسقا 5 ستۋدەنت قابىلدانسا، 4-كۋرستى 150 ستۋدەنت ءبىتىرىپ شىعادى. دەمەك 2,3-كۋرستاردا جاۋاپسىز ۋنيۆەرسيتەتتەر وقۋدان شىعىپ قالعان ستۋدەنتتەردى قابىلدايدى. مەملەكەت باسشىسىنىڭ تاپسىرماسىنا سايكەس، ءبىز ج و و-نا دەگەن تالاپتى كۇشەيتتىك جانە جوعارى ءبىلىم بەرۋ سالاسىن رەتتەۋدىڭ جاڭا مەحانيزمدەرى ەنگىزىلەتىن بولادى»، - دەدى اسحات ايماعامبەتوۆ مينيسترلىكتە وتكەن باسپا ءسوز ءماسليحاتىندا.

ەسكە سالساق، بۇعان دەيىن ءبىز قازاق- ورىس حالىقارالىق ۋنيۆەرسيتەتى مەن «استانا» ۋنيۆەرسيتەتى ليتسەنزيالارىنان ايىرىلۋى مۇمكىن ەكەندىگىن حابارلاعان بولاتىنبىز.

سونىمەن قوسا، ءبىلىم مينيسترلىگى التى ج و و- دان بۇزۋشىلىقتار انىقتادى. سونداي-اق، كەشە ق ر پرەزيدەنتى قاسىم-جومارت توقايەۆ ديپلوم تاراتاتىن كونتورعا اينالعان ج و و- لارعا قاتال شارالار قابىلدانۋى ءتيىس دەگەن ەدى.

اۆتور: ءالي يبرايەۆ


باستى سوزدەر: ءبىلىم جانە عىلىم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات