+7 (701) 759 90 19
-5 °С : نۇر-سۇلتان
-6 °С : الماتى
USD 376.51 EUR 418.91
RUB 6.13 CNY 54.90
جاڭالىقتار

پسيحولوگ قازاقستاندىقتاردىڭ ءجيى اجىراساتىن 5 سەبەبىن اتادى

6 جەلتوقسان 13:29
:ءبولىسۋ
پسيحولوگ قازاقستاندىقتاردىڭ ءجيى اجىراساتىن 5 سەبەبىن اتادى

نۇر-سۇلتان قازاقپارات - قازاقستان اجىراسۋ كورسەتكىشى بويىنشا ت م د-دا كوش باستاپ تۇر. مۇنداي ستاتيستيكانى «باقىتتى وتباسى» رەسۋرستىق قولداۋ ورتالىعىنىڭ ماماندارى ايتىپ وتىر.

ولاردىڭ ايتۋىنشا، اجىراسۋعا ارىز بەرەتىندەر - كوبىنە ۇيلەنگەنىنە 1 نەمەسە 2 جىل عانا بولعان جاس جۇبايلار جانە وعان سەبەپ - قارجى قيىندىقتارى مەن وتباسىنا تۋىستاردىڭ ارالاسۋى.

اجىراسۋدىڭ سەبەپتەرى كوپ. ءبىراق، باستى سەبەپتەرى نە دەگەن سۇراققا ناقتى جاۋاپ تابۋ قيىن. وسى ماقساتتا Tengrinews.kz ءتىلشىسى وتباسى پسيحولوگى جانات سميرنوۆامەن سويلەسىپ كوردى.

پسيحولوگ ءوز تاجىريبەسىنە سۇيەنە وتىرىپ، قازاقستاندىقتاردىڭ اجىراسۋىنىڭ نەگىزگى 5 سەبەبىن اتاپ بەردى.

«ماعان وسى ماسەلە بويىنشا كومەككە كەلەتىندەردىڭ باسىم بولىگى - 30-50 جاستاعى ادامدار. ولاردىڭ ىشىندە ايەلدەر دە، ەرلەر دە بار. وسىدان ءجيى ايتىلاتىن سەبەپتەردىڭ ءبىرى دەپ جاس جۇبايلاردىڭ ءبىرىنىڭ نەمەسە ەكەۋىنىڭ دە بالالىق شاقتا العان پسيحيكالىق جاراقاتىن ايتۋعا بولادى. ياعني، ولار وتباسى قۇرۋدىڭ الدىندا ءبىر-بىرىنە تەك قولداۋ كورسەتەتىن، جۇباتا الاتىن ادام رەتىندە قارايدى دا ول جاراقات جازىلعان سوڭ نەمەسە بالالىق شاقتاعى پروبلەما ۇمىتىلعان سوڭ ءارى قاراي بىرگە ءومىر ءسۇرۋدىڭ ءمان جوق دەپ ويلايدى. ولار بۇل جاعدايدا ناقتى سول كەزدە ءبىر-بىرىنە كەرەك بولعاندىقتان شاڭىراق كوتەرگەن بولىپ شىعادى»، - دەيدى سميرنوۆا.

ال ەكىنشى سەبەپ، پسيحولوگتىڭ ايتۋىنشا، قازاقستاندىقتاردىڭ دۇرىس تاڭداۋ جاساماۋى.

«وكىنىشكە قاراي، كوبى دۇرىس تاڭداۋ جاسامايدى، ءبىر-ءبىرىن دۇرىس تاڭداي المايدى دەۋگە بولادى. وعان ناقتى مىسال كەلتىرەر بولساق، قازىرگى تاڭدا جىگىتتەر قىزدارعا ۇيلەنۋگە ۇسىنىس جاسايدى دا قىزدار وعان بىردەن كەلىسەدى، «جوق» دەپ ايتپايدى دا. بۇگىنگى قىزدار ءۇشىن كەز كەلگەن ۇسىنىس بينگو سياقتى. مەنىڭشە، بۇل - جەڭىلتەكتىك. بايقاعانىم، قازىر بارلىعى ۇيلەنىپ، تۇرمىسقا شىعۋعا اسىعادى دا، قاتە، اسىعىس شەشىم قابىلدايدى»، - دەيدى پسيحولوگ.

ناتيجەسىندە ءبىر-ءبىرىن جەتە بىلمەي، دۇرىس تانىماي، ءوزىنىڭ جانىنا جاقىن ادامدى تاڭدامايدى دەيدى.

ماماندار ەلىمىزدە اجىراسۋ جاعدايلارىن ازايتۋدىڭ جولىن ايتتى قازاقستاندىقتاردىڭ اجىراسۋىنا تاعى ءبىر سەبەپ - جۇبايلار ءوزىنىڭ جانە ءوزى قۇرعان وتباسىنىڭ مۇددەسىن قورعاي المايدى دەيدى مامان.

«ولار ءوزىنىڭ جانە وتباسىنىڭ قۇندىلىعىن، مۇددەسىن قورعاي الماسا، وندا ول ماسەلەگە ەكى تاراپتان وتباسى مەن تۋىستار ارالاسادى. ال ءبىراق بىزدە كوبى «وتباسىمىزعا اتا- انامىز نەمەسە تۋىستارىمىز» ارالاسادى دەپ ايتادى. راسىندا، ولاي ەمەس، مۇندا اتا- انالار ارالاسىپ جاتقان جوق. كەرىسىنشە، وتاۋ قۇرعاندار ءوز مۇددەلەرىن قورعاي الماي وتىر دەگەن ءسوز»، - دەيدى سميرنوۆا.

اجىراسۋعا ءتورتىنشى سەبەپ، پسيحولوگتىڭ سوزىنە قاراعاندا، سەكسۋالدىق پروبلەما.

«قازىر جاس وتباسىلار اراسىندا «سەكسۋالدىق بوستاندىق» دەگەن ۇعىم پايدا بولدى. ءبىر- بىرىنە ءشوپ سالۋ ادەتكە اينالعان. ادالدىق قۇندىلىعىن جوعالتىپ بارادى. وتباسى قۇندىلىعىندا شەكارا دەگەن جوق، قالاعانىن جاسايدى. وسىدان بارىپ، كريزيس باستالادى دا اجىراسۋعا دەيىن بارادى»، - دەيدى پسيحولوگ. قازاقستاندا نەشە رەت وتباسى قۇرۋعا بولادى سونداي-اق، سميرنوۆا ەكىنشى رەت وتباسى قۇرعاندار اراسىندا اجىراسۋ قاۋپى جوعارى ەكەنىن ايتادى.

«ەكىنشى رەت نەكەگە تۇرعاندار اراسىندا ەرتە مە، كەش پە - قايتادان پروبلەمالار باستالادى. وعان قوسا، بۇرىنعى نەكەدە كورگەن زاردابى قوسىلادى. ياعني، ەكىنشى رەت وتباسى قۇرعان ادامعا تاعى دا اجىراسۋ اسا قيىنعا سوقپايدى. ول ادام الدا نە كۇتىپ تۇرعانىن بىلەدى جانە اجىراسۋدان قورىقپايدى. جالپى بۇگىندە ەر ادام، ايەل ادام بولسىن جالعىزدىقتان قورىقپايتىن بولىپ بارادى»، - دەيدى جانات سميرنوۆا.

پسيحولوگ اجىراسۋدىڭ الدىن الۋ ماقساتىندا ءبىرىنشى كەزەكتە ەرلى-زايىپتىنىڭ ورتاق ماقسات- مۇددەسى بولۋى كەرەگىن ايتادى. ول تەك بالا تاربيەلەپ، دەمالىس كۇندەرى كينوعا بارۋ عانا ەمەس، ورتاق بيزنەس اشۋ، ءۇي سالۋ سياقتى ورتاق مۇددەلەر، دەيدى پسيحولوگ.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات