+7 (701) 759 90 19
-17 °С : نۇر-سۇلتان
-3 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

قازاقپارات كۇنتىزبەسى: 5- جەلتوقسان

5 جەلتوقسان 07:32
:ءبولىسۋ
قازاقپارات كۇنتىزبەسى: 5- جەلتوقسان

نۇر-سۇلتان. قازاقپارات - قازاقپارات وقىرماندارىنا 2019-جىلعى 5- جەلتوقسانعا ارنالعان كۇنتىزبەسىن ۇسىنادى.

اتاۋلى كۇندەر

دۇنيەجۇزىلىك توپىراق كۇنى

بۇل كۇن جىل سايىن ب ۇ ۇ ازىق-تۇلىك جانە اۋىلشارۋاشىلىق ۇيىمى قولداۋىمەن اتالىپ وتىلەدى. 2013-جىلى ب ۇ ۇ باس اسسامبلەياسىنىڭ 68-سەسسياسىندا بەكىتىلگەن.

دۇنيەجۇزىلىك ەرىكتىلەر (ۆولونتەرلەر) كۇنى

ەكونوميكالىق جانە الەۋمەتتىك دامۋعا كومەك كورسەتۋشى ەرىكتىلەردىڭ حالىقارالىق كۇنى 1985-جىلعى جەلتوقساننىڭ 17-دەگى ب ۇ ۇ باس اسسامبلەياسى 40-سەسسياسىنىڭ شەشىمى بويىنشا اتاپ وتىلەدى.

ەستە قالار وقيعالار

1936-جىلى س س س ر جاڭا كونستيتۋتسياسى (بەيرەسمي اتاۋى: «ستالين كونستيتۋتسياسى»، كەيدە - «جەڭىسكە جەتكەن سوتسياليزم كونستيتۋتسياسى») قابىلداندى. ونى كەڭەستىڭ جالپى وداقتىق VIII توتەنشە سەزى قابىلداپ، كونستيتۋتسيا 1977-جىلعا دەيىن (وزگەرتۋ جانە تولىقتىرۋلارىمەن) كۇشىندە بولدى. ر س ف س ر قۇرامىندا اۆتونوميا بولىپ كەلگەن قازاقستان وداقتىق رەسپۋبليكاعا اينالىپ، قازاق سوۆەتتىك سوتسياليستىك رەسپۋبليكاسى (قازاق س س ر) دەپ اتالدى.

1973-جىلى قاز ك س ر عىلىم اكادەمياسىنىڭ تاريح، ارحەولوگيا جانە ەتنوگرافيا ينستيتۋتىندا رەسپۋبليكانىڭ ارحەولوگيالىق ماتەريالدارىن ساقتاۋ جانە عىلىمي زەرتتەۋ نىسانى رەتىندە ەلدىڭ ەڭ كونە مۇراجايلارىنىڭ ءبىرى - ارحەولوگيا مۋزەيى اشىلدى.

2010-جىلى مۋزەي «عىلىم ورداسى» عىلىمي كەشەنىنىڭ قۇرامىنا كىرگەن.

1994-جىلى - بۋداپەشت قالاسىندا الەمنىڭ يادرولىق دەرجاۆالارى - رەسەي، ا ق ش، ۇلى بريتانيا باسشىلارى قازاقستاننىڭ قاۋىپسىزدىگىنە كەپىلدىك بەرۋ تۋرالى مەموراندۋمعا جانە ستراتەگيالىق قارۋلى قاقتىعىستى شەكتەۋ تۋرالى كەلىسىم جونىندەگى بەكىتۋ قاعازدارىن الماسۋ تۋرالى قۇجاتقا قول قويدى.

2006-جىلى ەكىجاقتى كەلىسىمنىڭ قورىتىندىسىندا قازاقستان رەسپۋبليكاسى پرەزيدەنتى نۇرسۇلتان نازاربايەۆ پەن ەۋروپالىق كوميسسيانىڭ پرەزيدەنتى جوزە مانۋەل بارروزۋ ەۋروپالىق وداق (ە و) پەن قازاقستاننىڭ ەنەرگەتيكا سالاسىنداعى ىنتىماقتاستىعىندا تۇسىنىستىك مەموراندۋمىنا قول قويدى. مەموراندۋم قازاقستاننىڭ كاسپي وڭىرىندەگى تابيعي گاز بەن مۇنايدىڭ ءىرى ءوندىرۋشىسى رەتىندە جانە ەنەرگەتيكالىق سالانىڭ ىنتىماقتاستىعىن نىعايتۋدا ە و پەن قازاقستاننىڭ ەكىجاقتى قىزىعۋشىلىعىندا ماڭىزدى ءرولىن انىقتايدى. مەموراندۋم ەنەرگەتيكالىق قاۋىپسىزدىكتى جانە ونەركاسىپ ىنتىماقتاستىعىن نىعايتۋ سەكىلدى ماڭىزدى اسپەكتىلەردى قامتيدى.

2006-جىلى بەلگيا كورولى II البەرتتىڭ جارلىعىمەن قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ وسى ەلدىڭ ەڭ جوعارى ناگراداسى - I لەوپولد وردەنىنىڭ ۇلكەن لەنتاسىمەن جانە ۇلكەن كرەست توسبەلگىسىمەن ماراپاتتالدى.

2011-جىلى جامبىل وبلىسىندا قازاقستانداعى تۇڭعىش قورداي جەل ەلەكتر ستانساسىنىڭ ءبىرىنشى كەزەگى پايدالانۋعا بەرىلدى.

2011-جىلى استانا كارديوحيرۋرگيا ورتالىعىنان جاساندى جۇرەك سالىنعان العاشقى پاتسيەنت شىقتى.

2011-جىلى قازاقستاننىڭ پوشتا اينالىمىنا ق ر تاۋەلسىزدىگىنىڭ 20 جىلدىعىنا ارنالعان «اتاۋلى، مەرەيتويلىق كۇندەر جانە مەرەكەلەر» سەرياسىنداعى ەسكەرتكىش كوركەمسۋرەت ماركاسى اينالىمعا شىقتى.

2014-جىلى سەمەيدە ءورت سوندىرۋشىلەر ۆالەري بەلونوجكو مەن راحىمعالي يكەنوۆكە ارنالعان مەموريالدىق تاقتا اشىلدى. ولار قالاداعى سەمەنت زاۋىتىندا بولعان ءورت كەزىندە قازا تاپقان.

ءورت ءسوندىرۋ كەزىندە تانىتقان ەرلىگى مەن قايسارلىعى ءۇشىن ءورت سوندىرۋشىلەر قايتىس بولعاننان كەيىن قازاقستان رەسپۋبليكاسى پرەزيدەنتىنىڭ جارلىعىمەن «ەرلىگى ءۇشىن» مەدالىمەن ماراپاتتالدى.

2015-جىلى تۇركيانىڭ عىلىمي-تەحنيكالىق زەرتتەۋلەر كەڭەسى (TـBİTAK) عالىمداردى جوعارى ناگرادالارمەن ماراپاتتادى. ولاردىڭ اراسىندا قازاقستان ازاماتى مارات احمەت تە بار، ول 1998-جىلدان بەرى تۇركيادا عىلىمي قىزمەتپەن اينالىسادى. عىلىمي ناگرادانى ماتەماتيكا عىلىمدارىنىڭ پروفەسسورى م. احمەتكە تۇركيا پرەزيدەنتى رەجەپ تايىپ ەردوعاننىڭ ءوزى تاپسىرعان.

م. احمەت بۇل سىيلىققا ماتەماتيكاداعى عىلىمي اشىلىمدارى، اتاپ ايتقاندا ديففەرەنتسيالدىق تەڭدەۋلەر تەورياسى ءۇشىن يە بولدى. م. احمەتتىڭ عىلىمي زەرتتەۋلەرى تۇركيادا عانا ەمەس، ءبىرقاتار ەۋروپالىق ەلدەردە پايدالانىلۋدا. ونىڭ ەڭبەكتەرى تۇركيادا، ەۋروپادا جانە ا ق ش- تا اعىلشىن تىلىندە باسىلىپ شىقتى.

2016-جىلى استانادا ق ر ۇلتتىق مۋزەيىندە قازاقتىڭ ايتىس ونەرى، كيىز ءۇي جانە كۇيىنىڭ يۋنەسكونىڭ ماتەريالدىق ەمەس مادەني مۇرالار تىزىمىنە ەنگىزىلۋى تۋرالى سەرتيفيكاتتارى تابىستالدى.

سەرتيفيكاتتى تابىستاۋعا ق ر پرەمەر-ءمينيسترىنىڭ ورىنباسارى يمانعالي تاسماعامبەتوۆ قاتىستى.

2017-جىلى مەكسيكادا وتكەن سۋدا ءجۇزۋ سپورتىنان مۇمكىندىگى شەكتەۋلى سپورتشىلار اراسىنداعى الەم چەمپيوناتىندا ناتاليا زۆياگينتسيەۆا 50 مەتر قاشىقتىققا شالقالاپ ءجۇزۋ بويىنشا ءبىرىنشى ورىندى يەلەندى. بۇل قازاقستان تاريحىنداعى الەم چەمپيوناتىندا العان تۇڭعىش التىن مەدال.

2018-جىلى پرەزيدەنت نۇرسۇلتان نازاربايەۆتىڭ «تاۋەلسىزدىك ءداۋىرى» كىتابى اراب تىلىنە اۋدارىلدى. كىتاپتى سيريالىق پروفەسسور جانە اۋدارماشى يماد تاحين اۋدارعان. ەگيپەتتىڭ ساياساتكەرلەرى مەن ەكونوميستەرى پرەزيدەنت نۇرسۇلتان نازاربايەۆتىڭ مەملەكەتتىڭ قۇرىلۋى مەن تاۋەلسىز قازاقستاننىڭ دامۋى سيپاتتالاتىن ەڭبەگىمەن تولىق تانىستى. ۇلت كوشباسشىسىنىڭ جەكە باعالاۋلارى، ويلارى مەن ۋايىمدارى ەرەكشە قىزىعۋشىلىق تۋدىردى.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات