باياناۋىل تاۋ- شاڭعى كەشەنى 5 مىڭ تۋريست قابىلداي الادى

None
None
نۇر- سۇلتان. قازاقپارات - پاۆلودار وبلىسىنداعى باياناۋىل تاۋ- شاڭعى كەشەنى 5 مىڭ تۋريست قابىلداي الادى. بۇل تۋرالى ءوڭىر اكىمى بولات باقاۋوۆ ايتىپ بەردى، دەپ حابارلايدى قازاقپارات ءتىلشىسى.

«باياناۋىلداعى سپورتتىق تۋريزمدى دامىتۋ ءۇشىن تاۋ- شاڭعى كەشەنى جوباسى قولعا الىندى. مىرزاشوقى تاۋىنىڭ ەتەگىندەگى 960 مەترلىك ارقان جول وسى قىستا بەس مىڭعا دەيىن تۋريست قابىلداي الادى»، - اكىم ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

اكىم كيەلى ورىندار كوپ شوعىرلانعان باياناۋىل اۋدانىندا تۋريزمدى دامىتۋ قاجەتتىگىن اتاپ ءوتتى.

«جىلدار بويى جەرگىلىكتى تۇرعىندار مەن ءتاۋ ەتۋشىلەر كيەلى ورىندارعا - ءماشھۇر ءجۇسىپ كەسەنەسىنە جولدىڭ جوقتىعىن ايتىپ، شاعىمداناتىن. بيىل بيۋدجەت ەسەبىنەن 90 شاقىرىم جول تولىق جوندەۋدەن ءوتتى. كەلەسى جىلى تاعى ءبىر تۋريستىك ورىن - قوڭىر اۋليە ۇڭگىرىنە اپاراتىن جول جوندەلەدى. تۋريستەرگە قولايلى بولۋ ءۇشىن باياناۋىل اۋىلىنا شاعىن اۆياتسيا ءۇشىن ۇشۋ- قونۋ جولاعى، تىكۇشاق الاڭقايى بار ايەرودروم سالىندى. ودان بولەك، جاسىباي كولىنە دەيىن ەلەكتر بەرۋ جەلىسى، سۋ قۇبىرى ورناتىلىپ جاتىر»، - دەدى بولات باقاۋوۆ.

ايتا كەتەيىك، پاۆلودار وبلىسىنىڭ اكىمى بولات باقاۋوۆ ەلوردادا 2019 -جىلدىڭ 10 ايىنداعى ءوڭىردىڭ الەۋمەتتىك- ەكونوميكالىق دامۋى تۋرالى ەسەپ بەردى.

اۆتور: ايجان سەرىكجان قىزى

سوڭعى جاڭالىقتار