+7 (701) 759 90 19
-18 °С : نۇر-سۇلتان
6 °С : الماتى
USD 387.14 EUR 428.18
RUB 6.06 CNY 55.23
جاڭالىقتار

سيريادا اكەسى مەن باۋىرىنان ايىرىلعان قازاقستاندىق ارۋ 5 جىلعا سوتتالدى

8 قاراشا 00:07
:ءبولىسۋ
سيريادا اكەسى مەن باۋىرىنان ايىرىلعان قازاقستاندىق ارۋ 5 جىلعا سوتتالدى

نۇر-سۇلتان. قازاقپارات - سيريادان ەلگە قايتارىلعان قازاقستاندىقتار «ءقاۋىپتى ايماقتا» باستان كەشكەن وقيعالارىمەن بولىسۋدە.

بىرەۋلەر ەلگە قايتارىلعاننان كەيىن سوتتالىپ، ال ەندى بىرەۋلەرى وڭالتۋ شارالارىنان ءوتىپ جاتىر. قازىرگى ۋاقىتتا جازاسىن وتەپ جاتقان ايدا امانگەلدى سيرياعا اكەسىنىڭ كەسىرىنەن بارعانىن ايتىپ بەردى دەپ حابارلايدى «استانا» تەلەارناسىنا سىلتەمە جاساعان KAZ. NUR. KZ.

ونىڭ ايتۋىنشا، اكەسى سيرياعا بۇكىل وتباسىن الىپ كەتكەن. ول كەزدە ايدا 20 جاستا بولىپتى. ولار ءبىرىنشى تۇركياعا بارىپ، سول جەردەن سيرياعا اتتانعان.

قىزدىڭ ايتۋىنشا، ول جاقتا پارانجا كيمەگەن ءۇشىن نەمەسە كيىمنەن دەنەلەرىنىڭ ءبىر بولىگى كورىنىپ تۇرسا، ولاردى جازاعا تارتقان. قاشۋعا ارەكەت جاساعاندار قامالىپ نەمەسە ءولىم جازاسىنا كەسىلۋى مۇمكىن ەدى.

قازىر ايدا 24 جاستا. سيريادان ەلگە قايتارىلعان سوڭ ونى 5 جىلعا باس بوستاندىعىنان ايىرعان.

جاس قىز «قاۋىپتى ايماقتا» كەز-كەلگەن ساتتە اجال قۇشۋعا بولاتىنىن ەسكە الادى. ءبىرىنشى ول قالانى بومبىلاۋ كەزىندە اكەسىنەن ايىرىلعان. ونىڭ دەنەسى ءۇي قيراندىلارىنىڭ استىنان تابىلىپتى.

كەيىننەن ايدانىڭ اعاسى وق جاراقاتىنان قازا تاپقان.

ارنايى وپەراتسيا كەزىندە سيريادان شامامەن 600 قازاقستاندىق ەلگە قايتارىلدى. اقپارات جانە قوعامدىق دامۋ مينيسترلىگىنىڭ مالىمەتىنشە، جۇرگىزىلىپ جاتقان جۇمىسقا قاراماستان، ولاردىڭ ءبىرازى قاتەلىكتەرىن مويىنداماي، راديكالدى كوزقاراستارىنان باس تارتۋعا قۇلىق تانىتپايتىن كورىنەدى.

ەسكە سالا كەتەيىك، بۇدان بۇرىن نۇر-سۇلتانداعى سوت وتىرىسى كەزىندە سيريادان ورالعان قازاقتار سوعىسقا قالاي قاتىسقاندارىن باياندادى. ولاردىڭ ءبىرى اۆتومات اسىنىپ قاراۋىل كۇزەتىندە تۇرسا، ەندى ءبىرى بايلانىس قىزمەتىندە بولعان ەكەن.

سونداي-اق ءدىني ساۋاتتىلىعىنىڭ تومەن بولۋىنان بەس بالاسىمەن بىرگە سيريادان ءبىر-اق شىققان ارىس تۇرعىنى ونداعى ازاپتى كۇندەرىن اڭگىمەلەدى.

ال دايش تەررورلىق ۇيىمىنا قاتىسى بار دەپ كۇدىكتەلگەن 31 جاستاعى داۋرەن ءسابيت ۇلى ايگىلى گۋانتانامو تۇرمەسىنە ءتۇسۋدى ارمانداعان ەكەن.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات