تۇركىستاندا 5 مەترلىك كاۋاپ دايىندالدى

None
None
تۇركىستان. قازاقپارات - تۇركىستاندا ۇزىندىعى 5 مەترلىك كاۋاپ دايىندالىپ، قوناقتارعا تاراتىلدى. سونداي- اق، ءبىر قازاندا جەتى ءتۇرلى پالاۋ دەمدەلدى.

ەرەكشە تاعامدار فەستيۆالىن تۇركىستان وبلىستىق تۋرزيم باسقارماسى مەن قالالىق كاسىپكەرلىك ءبولىمى ۇيىمداستىردى، دەپ حابارلايدى قازاقپارات ءتىلشىسى.

كونە شاھارداعى فەستيۆالگە 12 ءدامحانا مەن مەيرامحانا، كونديتەرلىك ونىمدەر شىعاراتىن 7 سەح قاتىستى. كاسىپكەرلىك نىساندار قوناقتارعا ءتۇرلى تاعامدار ۇسىندى. ماسەلەن، قاتىسۋشىلاردىڭ ءبىرى ۇزىندىعى بەس مەترلىك كاۋاپ ازىرلەۋ ارقىلى كوپشىلىكتى تاڭ قالدىردى.

اسپازداردىڭ ايتۋىنشا، ءدامدى كاۋاپ ەتتارتقىشتان وتكەن (فارش) جانە كەسەكتەلىپ تۋرالعان ەتتەن پىسىرىلگەن.

شارانىڭ ماقساتى - كيەلى قالاعا كەلگەن تۋريستەرگە ءتۇرلى تاعامدار ۇسىنىپ، ەستەن كەتپەس ەستەلىكتەر قالدىرۋ. جەڭىمپاز اتانعان قاتىسۋشىعا بيزنەسىن دامىتۋ ءۇشىن جەر تەلىمى بەرىلمەك.

سوڭعى جاڭالىقتار