+7 (701) 759 90 19
-7 °С : نۇر-سۇلتان
-7 °С : الماتى
USD 388.07 EUR 427.54
RUB 6.08 CNY 55.36
جاڭالىقتار

ورىس پوەزياسىنىڭ ايى: لەرمونتوۆ تۋرالى 5 دەرەك

15 قازان 22:27
:ءبولىسۋ
ورىس پوەزياسىنىڭ ايى: لەرمونتوۆ تۋرالى 5 دەرەك

نۇر- سۇلتان.قازاقپارات - بۇگىن - «ورىس پوەزياسىنىڭ ايى» اتانعان ميحايل يۋريەۆيچ لەرمونتوۆ جارىق دۇنيە ەسىگىن اشقان كۇن. بيىل اقىننىڭ تۋعانىنا 205 -جىل تولىپ وتىر.

► شەجىرە

كەي دەرەكتەردە ميحايل يۋريەۆيچتىڭ ارعى اتاسى ءومىرى قۇپياعا تولى توماس لەرمونت ەسىمدى شوتلانديالىق بادر دەپ جازىلادى. ول كىسىنىڭ كورىپكەلدىك قاسيەتى بولعان دەسەدى. ميستيكاعا بەيىم اقىننىڭ ءوزى دە وسىنى ۇستاناتىن. ونىڭ ۇستىنە، توماس لەرمونت ونىڭ اتاسى بولسا، اقىننىڭ بايرونعا تىكەلەي قاتىسى بولار ەدى. ءبىراق جاساڭداۋ شاعىندا يسپانيا كورولى فيليپپ III نىڭ فاۆوريتى بولعان فرانسيسكو لەرمانى ءوز اتاسى دەپ ەسەپتەگەن. سول كەزدەرى جازعان حاتتارعا «لەرما» دەپ قولتاڭبا قويعان ەكەن.

► تاربيە

لەرمونتوۆ وتە ءالجۋاز، اۋرۋشاڭ بالا بولعان. اناسى 21 جاسىندا ومىردەن وتكەننەن كەيىن، بالا اكەسىمەن قالۋى ءتيىس ەدى. ءبىراق، سول كەزدەرى جاعدايى ناشارلاپ كەتكەن يۋري پەتروۆيچ اسا كوندىگە قويماسا دا، بالانى باقۋاتتى ناعاشى اجەسىنىڭ قولىنا وتكىزۋگە ءماجبۇر بولادى. جيەنىن قىزىنىڭ كوزىندەي كورگەن ەليزاۆەتا الەكسەيەۆنا ول دەگەندە الدىنا جان سالمايتىن. ونىڭ ساۋاتتى، جان- جاقتى جىگىت بوپ ەر جەتۋىنە ىقپال ەتتى. ءبىر قىزىعى، بۇل كىسى كۇيەۋى، تۋعان قىزى، كۇيەۋ بالاسى، ءتىپتى، نەمەرەسىنەن كەيىن عانا ومىردەن وتكەن.

► العاشقى ماحاببات


لەرمونتوۆ تانۋشىلار ونىڭ العاش رەت 9 جاسىندا عاشىق بولعانىن ايتادى. وزىنەن ءبىر جاس ۇلكەن كاۆكازدىق قىزعا ارناپ تۇڭعىش ولەڭىن جازعان ەكەن.

► ومىرلىك ماحاببات

ۆارۆارا الەكساندروۆنا لوپۋحينا - ورىستىڭ ۇلى اقىنى ميحايل يۋريەۆيچ لەرمونتوۆتىڭ ومىرلىك ماحابباتى. اقىن 1831 -جىلى ءوزىنىڭ الەكسەي ەسىمدى دوسىنىڭ قارىنداسى ۆارەنكامەن تانىسىپ، وعان عاشىق بولادى. كىتاپقا اۋەس ۆارەنكا ناعىز رومان كەيىپكەرلەرىندەي سۇلۋ ءارى قيالشىل بويجەتكەنگە اينالادى. قويۋ قارا كوزدى، سارى شاشتى كورىكتى قىز اقىننىڭ جۇرەگىنەن وشپەس ورىن الدى. وسىنداي سۇلۋلىقتىڭ قاسىندا لەرمونتوۆ ءوزىن سۇرىقسىز ادامداي، وعىن لايىق ەمەستەي كورەتىن. 1832 -جىلى اقىن سۇيگەنىنىڭ دەڭگەيىنە جەتەرلىكتەي دامۋ ماقساتىمەن پەتەربورداعى يۋنكەرلەر مەكتەبىنە وقۋعا اتتانادى. وسى كەزدە قوس عاشىقتىڭ اراسىنداعى بايلانىس ءۇزىلىپ قالادى. لەرمونتوۆتىڭ كەتكەنىن پايدالانىپ ۆارەنكانىڭ اتا- اناسى ۇگىتتەدى مە، الدە بىرەۋلەر اقىننىڭ قالادا وزگە قىزدارعا كوڭىلى اۋىپ جۇرگەنىن جەتكىزدى مە، ايتەۋىر، ۆارەنكا سول ۋاقىتتا وزىنەن الدەقايدا ۇلكەن كىسىگە تۇرمىسقا شىعىپ كەتەدى. مۇنداي قادامدى سۇيگەنىنىڭ وپاسىزدىعى دەپ قابىلداعان اقىن جىگىتتىڭ قاتتى كوڭىلى قالادى.

► بولمىس

«ورىس پوەزياسىنىڭ ايى» تۋرالى تۋرگەنيەۆ: «لەرمونتوۆتىڭ سىرتقى كەلبەتى تراگەديالىق ءھام قاھارلى كورىنەتىن»، - دەپ جازعان. ءتىپتى، ونىڭ كۇلكىسىنىڭ ءوزى مىسقىلعا تۇنىپ تۇراتىن. جاڭعىرا شىعاتىن جاعىمسىز دىبىس قۇلاققا تۇرپىدەي تيەتىن. سونىڭ كەسىرىنەن سۇرىقسىز ءارى سۋىق كورىنەتىن لەرمونتوۆ كورىكتى جىگىتتەرگە عاشىق بولۋعا بەيىم نازىك جاندىلاردىڭ نازارىنا ىلىگە بەرمەيتىن. ءبىراق.. . العاشىندا وزىنە جۇمباق، سۋىق ءارى مىنەزدى بوزبالا وبرازىن جاساۋعا تىرىسقان جاس اقىن ۋاقىت وتە سول بولمىستىڭ ءوزىن تولىقتاي جۇتىپ العانىن سەزبەي قالدى. ول ۇنەمى ءوزىن وزگەلەردەن وقشاۋ ۇستايتىن. قوعام قايماعى جيىلىپ كوڭىل كوتەرەتىن بالداردىڭ وزىندە ول وتكىر جانارىمەن تەسىپ وتەردەي سۇقتانا قاراپ جالعىز تۇراتىن. ونىڭ مىسى باسىم كوزقاراسىنا ايەلدەر دە، ەرلەر دە توتەپ بەرە المايتىن. لەرمونتوۆ تۋرالى ەستەلىكتەردىڭ بىرىندە: «ول ۇنەمى جالعىز جۇرەتىن. لەرمونتوۆتىڭ ۋلى جانارى قاراعان جاندى ەسەڭگىرەتەتىن»، - دەپ جازىلعان.

Massaget.kz


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات