+7 (701) 759 90 19
10 °С : نۇر-سۇلتان
15 °С : الماتى
USD 389.62 EUR 429.98
RUB 6.06 CNY 55.08
جاڭالىقتار

قازاقستاندا 5 مىڭ جاس كاسىپكەرگە اقىسىز كۋرس وتكىزىلەدى

11 قازان 11:31
:ءبولىسۋ
قازاقستاندا 5 مىڭ جاس كاسىپكەرگە اقىسىز كۋرس وتكىزىلەدى

نۇر-سۇلتان. قازاقپارات - «اتامەكەن» ۇلتتىق كاسىپكەرلەر پالاتاسى «اتامەكەن» اكادەمياسىنىڭ ونلاين-پلاتفورماسىمەن بىرلەسە وتىرىپ، تەگىن «جاس كاسىپكەر» دەپ اتالاتىن ونلاين- كۋرسىن ىسكە قوستى، دەپ حابارلايدى قازاقپارات.

كۋرستىڭ ماقساتى - ءوز ءىسىن باستاعىسى كەلەتىن جاستار ءۇشىن بارلىق قاجەتتى اقپاراتتى ءبىر ساندىق الاڭعا جيناۋ. ەلىمىزدىڭ كەز كەلگەن ايماعىنان 5 مىڭعا جۋىق ادام ونلاين رەجيمدە ءبىلىم الا الادى. ەڭ باستىسى وقىتۋ جۇيەسى تەگىن.

كۋرسقا قاتىسقىسى كەلگەن ادام 22 -قازانعا دەيىن «Jas Kasipker» كۋرسىن اياقتاپ، بيزنەس- جوسپار قۇرۋ كەرەك. ول ءۇشىن atameken.co پلاتفورماسىندا تىركەلىپ، كۋرس ستۋدەنتتەرىنە ارنالعان تەلەگرام چاتقا جازىلۋ كەرەك.

ايتا كەتۋ كەرەك، «Jas Kasipker» ونلاين- پلاتفورماسى - «باستاۋ بيزنەس» دەپ اتالاتىن ءىرى ءبىلىم بەرۋ جوباسىنىڭ ءبىر بولىگى.

كۋرس قازاق جانە ورىس تىلدەرىندە ۆيدەو ساباقتار فورماتىندا وتەدى. وندا 10 مودۋلدەن قۇرالعان 20 ساباق جانە ونلاين تاپسىرمالار بار. ساباقتىڭ تاقىرىپتارى وتە اۋقىمدى. قاتىسۋشىلار سۇرانىسقا يە بولاتىن بيزنەس يدەيالاردى قالاي تابۋعا بولادى، قارجىلاندىرۋدى قايدان تاباسىز، ماركەتينگ پەن مەنەدجمەنتتىڭ نەگىزدەرى، سونداي-اق، قارجىلىق جانە قۇقىقتىق ماسەلەلەردىڭ بارلىق ەرەكشەلىكتەرىن مەڭگەرەتىن بولادى. كۋرسقا ساراپشى رەتىندە «اتامەكەن» عىلىمي- وندىرىستىك كاسىپورنىنىڭ ماماندارى، اگروكرەديت كورپوراتسياسىنىڭ، اۋىل شارۋاشىلىعىن قارجىلاي قولداۋ قورىنىڭ جانە «دامۋ» كاسىپكەرلىكتى دامىتۋ قورىنىڭ مەنەدجەرلەرى تاڭدالعان.

كۋرس اياقتالعاننان كەيىن، قاتىسۋشىلار اراسىندا بيزنەس- جوسپارلار بايقاۋى وتەدى. باس جۇلدە - 500 مىڭ تەڭگە. سونىمەن قاتار، ەڭ كوپ داۋىس جيناعان ۇزدىك بيزنەس- جوسپارعا سىيلىقتار ويناتىلادى. ولار: بيزنەس- تالىمگەردەن كەڭەس الۋ، ءسىزدىڭ جوباڭىزعا ارنالعان جارنامالىق بەينەروليك، ءسىزدىڭ بيزنەسىڭىزگە ارنالعان Landing page سايتىن جاساۋ، سونداي-اق، Brand book برەند كىتابىن قۇراستىرۋ.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات