جىل سوڭىنا دەيىن شەشىلەدى - ۆيتسە- مينيستر مەكتەپتەگى 5 كۇندىك جۇمىس اپتاسى تۋرالى

نۇر- سۇلتان. قازاقپارات - قازاقستان مەكتەپتەرىن 5 كۇندىك جۇمىس اپتاسىنا اۋىستىرۋ ماسەلەسى جىل سوڭىنا دەيىن شەشىلەدى، دەپ حابارلايدى قازاقپارات ءتىلشىسى.

بۇل تۋرالى ق ر ءبىلىم جانە عىلىم ۆيتسە- ءمينيسترى فاتيما جاقىپوۆا قازمەديا ورتالىعىندا وتكەن پلەنارلىق وتىرىستا مالىمدەدى.

«قازىرگى ۋاقىتتا ۇستازدار قاۋىمىن 5 كۇندىك جۇمىس اپتاسى الاڭداتىپ وتىر. بۇعان دەيىن ب ا ق- تا ءبىلىم جانە عىلىم ءمينيسترى اسحات ايماعامبەتوۆتىڭ ءسوزى جاريالاندى. وندا مينيسترلىك ءاربىر مەكتەپتىڭ پەداگوگيكالىق كەڭەستە تيپتىك وقۋ جوسپارىن، سىنىپتار سانىن ەسكەرە وتىرىپ، 5 كۇندىك جۇمىس اپتاسىنا اۋىسۋدى ۇسىنادى. مۇندا وزگە شەشىمنىڭ قاجەتى جوق، ەگەر مەكتەپ بەسكۇندىككە اۋىسسا، سەنبى كۇنىن مۇعالىم قالاۋىنشا وتكىزەر ەدى. نەمەسە مەكتەپ اكىمشىلىگى ايىنا ءبىر رەت ادىستەمەلىك جيىن وتكىزە الادى. سوندىقتان، بۇل بەس كۇندىك جۇمىس اپتاسى ماسەلەسى جىل سوڭىنا دەيىن شەشىلەدى دەپ ويلايمىز. بۇل - مۇعالىمدەر تاراپىنان ەڭ ءجيى قويىلاتىن سۇراق، سوندىقتان مەكتەپ اكىمشىلىكتەرىنە وسى ماسەلەنى قولعا الۋدى وتىنەمىز. ونىڭ ۇستىنە، پرەزيدەنت قاسىم- جومارت توقايەۆ مۇعالىمدەردى كاسىبىنەن تىس جۇمىسقا سالماۋدى تاپسىردى»، - دەدى فاتيما جاقىپوۆا.

اۆتور: ايجان سەرىكجان قىزى