گۇلشارا ءابدىقالىقوۆا اكىمدەردەن 5 مىڭ گرانت بەرۋ جونىندەگى جۇمىستى اياقتاۋدى سۇرادى
«جاڭا وقۋ جىلىنىڭ باستالۋىنا بىرنەشە اپتا قالدى. سوعان بايلانىستى ءبىلىم جانە عىلىم ءمينيسترى مەن ءوڭىر باسشىلارىنىڭ نازارىن بىرنەشە ماسەلەگە اۋدارعىم كەلەدى. بىرىنشىدەن، سوڭعى جىلدارى ءبىرىنشى سىنىپقا كەلەتىن وقۋشىلاردىڭ سانى كوبەيۋدە. سوعان بايلانىستى وقۋشى ورىندارىنىڭ جەتىسپەۋشىلىگى ۇلعايىپ كەلەدى. سوندىقتان، وقىتۋدىڭ ءقاۋىپسىز جاعدايىن جاساۋ ءۇشىن اكىمدەر مەكتەپ ديرەكتورلارىمەن، اتا- انالارمەن بىرلەسىپ، بالالارىن بەيىمدەلۋ، ساباق رەجىمىنىڭ سانيتارلىق- ەپيدەميولوگيالىق نورمالارعا سايكەستىگى ماسەلەلەرىنە ەرەكشە نازار اۋدارعان ءجون»، - دەدى گۇلشارا ءابدىقالىقوۆا ۇكىمەت وتىرىسىندا.
پرەمەر- ءمينيستردىڭ ورىنباسارى ەكىنشىدەن، الىس اۋىلداردان وقۋشىلاردى تاسىمالداۋ ماسەلەسى بارىن اتاپ ءوتتى.
«وسىعان بايلانىستى 184 كولىك جەتىسپەۋدە. بۇل ماسەلە نازاردان تىس قالماۋى ءتيىس. اكىمدىكتەردە مەملەكەت باسشىسىنىڭ تاپسىرماسى بويىنشا كوپبالالى وتباسىلاردان شىققان تالاپكەرلەر ءۇشىن بولىنگەن قوسىمشا 5 مىڭ گرانت بەرۋ جونىندەگى جۇمىستى اياقتاۋدى سۇرايمىن»، - دەدى ول.
ەسكە سالا كەتسەك، بۇگىنگى ۇكىمەت وتىرىسىندا پرەمەر- مينيستر اسقار مامين ءوڭىر اكىمدەرىنە بارلىق ءبىلىم بەرۋ ۇيىمدارى جۇمىستى باستاۋعا 100 پايىز دايىن بولۋى كەرەكتىگىن تاپسىرعان بولاتىن.
اۆتور: ايان بەكەن ۇلى