+7 (701) 759 90 19 Лента
28 °С : نۇر-سۇلتان
26 °С : الماتى
USD 386.34 EUR 427.25
RUB 5.88 CNY 54.57
جاڭالىقتار

ءوزىمىزدى تارتىپكە كەلتىرۋ ءۇشىن 5 كەڭەس

24 شىلدە 01:27 44
:ءبولىسۋ
ءوزىمىزدى تارتىپكە كەلتىرۋ ءۇشىن 5 كەڭەس

نۇر-سۇلتان. قازاقپارات – تاڭەرتەڭ توسەكتەن تۇرۋ نەمەسە كوڭىلىمىزگە جاقپايتىن ىسپەن اينالىسۋ، يا بولماسا سانسىز كوپ كەزدەسۋلەرگە ۋاقىتىنان كەشىكپەي بارا الماۋ - ءتارتىپتىڭ جوقتىعىنان.

ءتارتىپتىڭ جوقتىعى تەك جەكە ومىرىمىزدە عانا ەمەس، جۇمىستا، بيزنەستە، دوستارمەن قارىم- قاتىناستا دا كەدەرگى بولىپ، وزىمىزگە دەگەن سەنىمدىلىكتى جويا باستايدى.

ءوزىمىزدى قالاي تارتىپكە شاقىرساق بولادى؟

ادەت قالىپتاستىرۋ

سانالى تۇردە ءبىر نارسە جاساۋعا داعدىلانۋ: 15 مينۋت كىتاپ وقۋ، تاڭەرتەڭ جاتتىعۋ جاساۋ نەمەسە الداعى جۇمىسىڭا جوسپار قۇرۋ. بۇل «الىنبايتىن قامال جوق» دەگەنگە ادامنىڭ ويىن سەندىرەدى جانە جاڭا باستامالارعا جاقسى تۇرتكى بولادى.

جاساعان قاتەلىگىڭنەن ساباق الۋ - بەكەر ىستەمەدىم دەپ وكىنگەننەن جاقسىراق

(بەكەر ىستەمەدىم دەگەنشە، بەكەر ىستەدىم دەگەن جاقسىراق)

تابىسقا جەتۋگە جالقاۋلىق ءجيى بوگەت بولىپ جاتادى. باسىڭا ەكى كىشكەنتاي ادام ءمىنىپ الىپ ايتىسىپ جاتقانداي. ءبىرىنشىسى «بۇل ماڭىزدى ءىس، مىندەتتى تۇردە ورىنداۋ كەرەك!» دەسە، ەكىنشىسى «نە قاجەتى بار؟ قايتەسىڭ؟ ەرتەڭگە قالدىرا سال، اسپان اينالىپ جەرگە تۇسە قويماس» دەپ كەرى تارتادى.

ارينە، ەشتەڭە بولمايدى. بۇگىن، ەرتەڭ، ارعى كۇنى، ءتىپتى ءبىر ايدان سوڭ دا ەشتەڭە وزگەرمەيدى، ءدال بۇگىنگى كۇنىڭ سياقتى وتەدى دە كەتەدى. ال، بالا كۇنگى ارمانىڭ شە؟ جارقىن بولاشاق تۋرالى ارماندارىڭ قايدا قالدى؟ ادام ءوزىن-ءوزى قولعا المايىنشا، ماڭىزدى ىستەردى ورىندامايىنشا (اسا قاتتى ماڭىزدى ءىس بولماسا دا)، ارمانداعان جارقىن بولاشاعى قيال بولىپ قالا بەرمەك. سوندىقتان دا، ساعىزداي سوزا بەرمەي، ءىستى ءدال ءقازىر ورىنداۋ كەرەك.

جوسپارلاۋ - تابىس كەپىلى

كوپتەگەن كومپانيالاردىڭ پروبلەماسى ءبىر جىلعا جوسپار قۇرىپ قويعاندىعىندا. سايىپ كەلگەندە، جۇمىسكەرلەردىڭ كوپ ۋاقىتى بار سياقتى بولىپ كورىنەدى. سوندىقتان دا ولار قارقىنمەن جۇمىس ىستەمەيدى، جىل سوڭىنا دەيىن ۋاقىت بار دەپ وزدەرىن الدايدى. ناتيجەسىندە ءتيىمدى جۇمىس تەك جىل سوڭىنا قاراي، قاراشا-جەلتوقسان ايلارىندا اتقارىلادى. جەكە باسىنا جوسپارلاعاندا دا ءدال سولاي بولادى. ودان دا ءبىر جىلدى 12 اپتادان تۇراتىن 4 بولىككە بولگەن دۇرىس.

ءار بولىككە ماقسات قويا ءبىلۋ كەرەك. سوعان سۇيەنە وتىرىپ، اپتالىق، كۇندەلىكتى ماقسات بولۋ قاجەت. ءارى قاراي ءتىپتى وڭاي: كۇندەلىكتى ءتىزىم قۇرىپ قويىپ، سول بويىنشا ارەكەت جاساۋ عانا. ۋاقىت وتە كۇندەلىكتى جاسالعان جۇمىستارىڭ ۇلكەن ناتيجە بەرەتىن بولادى. تالاپتاردى دۇرىس قويا ءبىلۋ قاجەت. ءبىرىنشى ماڭىزدى جانە شۇعىل جۇمىس، ودان كەيىن ماڭىزدى ءبىراق ونشا شۇعىل ەمەس، سودان كەيىن ماڭىزدى دا جانە شۇعىل دا ەمەس جۇمىستاردى ارتىنان ورىنداسا بولادى.

ءوز كۇشىڭدى دۇرىس شامالاۋ

كوپتەگەن ادامدار، وزدەرىن تارتىپكە شاقىرعاندا، ۋاقىت كەستەسىن تىم قاتتى نىعىزداپ تاستايدى. ناتيجەسىندە، كەيبىر جۇمىستارعا ۋاقىت جەتپەي جاتسا، وزدەرىنە كىنا ارتىپ جەگىدەي جەي باستايدى «مەن كەستە بويىنشا ءومىر سۇرە المايمىن، قولىمنان كەلمەيدى». جوق، ولاي ەمەس. قاپالانباڭىز. ودان دا تىزىمدەگى جۇمىسقا كوبىرەك ۋاقىت ءبولىڭىز. ءار جۇمىسقا 15 مينۋت ارتىعىمەن قوسىپ قويىڭىز. سول كەزدە قاتتى شارشامايسىز، جوسپارلاۋ دا كوڭىلىڭىزدەن شىعىپ وزىنە تارتىپ تۇرادى.

دەمالىس - جەمىستى جۇمىسقا جەتەلەيدى

تەك ەڭبەكتى عانا ەمەس، دەمالىستى دا جوسپارلاۋ قاجەت. تۇسكى اس، ءۇزىلىس، كوز جاتتىعۋلارى دا، سەرۋەندەۋ - ءبارى دە كەستەدە جۇمىسپەن قاتار كورسەتىلۋى قاجەت. قالجىراپ، شارشاعان ادامنىڭ جۇمىس ناتيجەسى دە تومەندەيدى. وسىنى ەستەن شىعارماي، اراسىندا دەمالۋ دا قاجەت.

ارينە، كەيدە ءبىز جوسپارلاعانداي بولا بەرمەيدى. مۇنداي جاعدايدا جۇمىس كەستەسىن تۇگەلدەي جويماي، اتقارىلماي قالعان جۇمىسقا باسقا كۇنى ۋاقىت ءبولۋ قاجەت. ول ءۇشىن باسقا ماڭىزدى ەمەس جۇمىستى قۇربان ەتۋىڭىز ابدەن مۇمكىن. مۇنداي ساتتەردە ەڭ باستى ماقساتتى ويلاپ، دەدلايندى كەيىنگە شەگەرمەڭىز.

bilim-all.kz


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات