+7 (701) 759 90 19 Лента
17 °С : استانا
25 °С : الماتى
USD 378.93 EUR 423.00
RUB 5.87 CNY 54.82
جاڭالىقتار

ءسىزدى شارشاتاتىن 5 نارسە

18 مامىر 02:02 375
:ءبولىسۋ
ءسىزدى شارشاتاتىن 5 نارسە

نۇر - سۇلتان. قازاقپارات - كەشكە ەرتە جاتىپ، تۇندە تىنىش ۇيىقتاساڭىز دا، تاڭەرتەڭ تۇرعاندا ءوزىڭىزدى اۋىر سەزىنەتىن كۇندەر بولادى.

سول سەكىلدى كۇندىز جۇمىس ەش جۇگىرىسسىز ءبىرقالىپتى وتسە دە، كەشكىسىن ۇيگە كەلگەندە السىزدىكتەن جاتا قالعىڭىز كەلەدى. ەنەرگيانى قۇرتاتىن ءسىز ويلاماعان 5 نارسەنى ۇسىنامىز.

 شاشىلىپ جاتقان ۇستەل

 ءسىز جۇمىس ۇستەلىنىڭ شاشىلىپ جاتۋىنان جانە ۇستەلدە ارتىق زاتتاردىڭ وتە كوپ بولۋىنان شارشايسىز. كوز الدىڭىزدا قانشالىقتى كوپ زات (قۇجاتتار، تاپسىرمالار، ەسەپتەر، تاماق قالدىقتارى) ۇستاساڭىز، ميعا زەيىن قويۋ، اقپاراتتى وي- ەلەڭىنەن وتكىزۋ سونشالىقتى قيىنعا سوعادى. ناتيجەسىندە، الدىمەن مي، سودان سوڭ ءسىز دە شارشاپ، السىزدىك سەزىنەسىز.

 تۇراقسىز تاماقتانۋ
 
جۇمىسقا تاڭعى اس ءىشىپ ۇلگەرمەي كەلىپ، قۋاتتانىپ الۋ ءۇشىن كوفە نە شاي ءىشۋىڭىز مۇمكىن. ال ول كۇش قوسپايدى، جاي عانا ۋاقىتشا جۇرەك جۇمىسىن قارقىنداتادى. تۇسكى اس ىشپەۋ اعزانى قاجەتتى كالوريادان ايىرىپ، تويىمدى كەشكى اس ىشۋگە يتەرمەلەيدى. سوندىقتان جۇمىستان كەلىپ، وتە تويىمدى كەشكى اس ءىشىپ الاسىز. سونىڭ كەسىرىنەن تۇندە ناشار ۇيىقتايسىز. اسقازان تۇنىمەن دەمالماعاندىقتان، تاڭەرتەڭ تاماقتانۋعا تابەتىڭىز بولمايدى. ارى قاراي وسىلاي جالعاسا بەرەدى. سوندىقتان ۋاقىتىندا تاماقتانۋدى قولعا الۋ قاجەت، سول كەزدە كۇنى بويى قۋاتتى جۇرەسىز جانە تۇندە تىنىش ۇيىقتايسىز.

جاتتىعۋ جاساماۋ

 جاتتىعۋدىڭ قانداي ءتۇرىن بولماسىن توسەكتە جاتا تۇرۋمەن اۋىستىرۋ جاعىمسىز سالدارلارعا اكەلەدى. ول اسىرەسە، تۇستەن كەيىنگى السىزدىكپەن بىلىنەدى. ياعني، ەنەرگيا ۇزاققا جەتپەيدى. زەرتتەۋلەر بويىنشا، تاڭەرتەڭ 20 مينۋتتىق جاتتىعۋ جاساۋدىڭ ءوزى ادامدى كۇنى بويى كۇشپەن قامتاماسىز ەتەدى ەكەن. ەگەر ءبىر ورىندا وتىرىپ جۇمىس ىستەسەڭىز، تۇسكى ۇزىلىستە قاراپايىم گيمناستيكا جاساڭىز نەمەسە سىرتقا ءجۇرىپ قايتىڭىز.

 تەمىر جەتىسپەۋشىلىگى

تەمىر جەتىسپەۋشىلىگى السىزدىك، اشۋلانشاقتىق جانە زەيىن قويا الماۋدى شاقىرادى. بۇل ەلەمەنت وتتەكتى جاسۋشالار مەن بۇلشىقەتتەرگە تاسىمالداۋىنا وتە ماڭىزدى. سوندىقتان تاماقتانۋ ۇلەسىڭىزگە قۇرامىندا تەمىرى بار ونىمدەردى قوسىڭىز. كوپ ۇيىقتاۋ ۇيقىنىڭ مولشەرى ەمەس، ساپاسى ماڭىزدى. كوپ ۇيىقتاۋ ۇيقىشىلدىق پەن السىزدىككە اكەلەدى. ارتىق ۇيىقتاۋ ادامعا ەنەرگيا قوسپايدى.

Massaget.kz


باستى سوزدەر: قوعام,
:ءبولىسۋ

اأتور:

novasa

ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
مۇراعات