زاماناۋي اتا- انا جىبەرەتىن 5 قاتەلىك
1. شامادان تىس قامقورلىق بالاعا نازار اۋدارۋ، ونى جان دۇنيەڭمەن جاقسى كورۋ جانە بارىنشا قامقور بولۋ - اتا- انانىڭ باستى مىندەتى. الايدا، كەيدە اتا- انانىڭ شامادان تىس قامقورلىق ءبىلدىرۋى بالاعا كەرى اسەرىن دە بەرەدى. اتا- انا بالانى وزدىگىنشە جىبەرۋگە ىشتەي دايىن بولۋ كەرەك. ولار بالانىڭ وزدىگىنشە شەشىم قابىلداۋىنا، قاتەلەسۋىنە جانە قاتەلىكپەن جۇمىس ىستەۋىنە مۇمكىندىك بەرۋى ءتيىس.
2. تاپسىرمانى بالانىڭ ورنىنا شەشۋ كەي اتا- انالار بالانىڭ ورنىنا ءۇي تاپسىرماسىن شەشىپ بەرەدى، مەكتەپتەگى ماسەلەلەردى ورنىنا قويادى جانە قۇرداستارىمەن بولعان كەلىسپەۋشىلىكتەردى دە وزدەرى شەشەدى. سودان سوڭ بالانىڭ ءوزىن- ءوزى باعالاۋى تومەندەيدى، ول باسقالارمەن ماسەلەنى ءوزى شەشە المايتىن بولادى نەمەسە بالا اتا- اناسىنا ابدەن سەنىپ قالادى. ول ماسەلەنى شەشۋدىڭ وڭاي جولى بار ەكەندىگىن، ءوز كۇشىن جۇمساماي- اق اتا- اناسى شەشىپ بەرەتىندىگىن ءبىلىپ، جالقاۋلىققا سالىنادى. ناتيجەسىندە، مۇنىڭ بارلىعى پسيحولوگيالىق ماسەلەگە اكەلىپ سوعادى.
3. قۇنسىزدانۋ بۇل بالانىڭ ەموتسيالىق رەاكسياسىنا بايلانىستى بولىپ كەلەدى. مىسالى، كىشكەنتاي كەزىندە بالانىڭ سۇيىكتى ويىنشىعى سىنىپ قالىپ، ول قاتتى جىلاسا، اتا- انا ونىڭ تۇككە تۇرمايتىندىعىن ايتىپ ۇرسادى ("سوعان بولا جىلاۋعا بولا ما؟ !") جانە ونىڭ ورنىنا جاڭاسىن ساتىپ الىپ بەرەتىندىگىن ايتادى. ءاردايىم مۇنداي رەاكسيا العان بالا ءوز سەزىمىن جاسىرۋدى جانە ول زاتتى باسقامەن اۋىستىرۋدى ۇيرەنەدى.
4. تۇراقسىزدىق كەي اتا- انالار اشۋ ۇستىندە ۇيالى تەلەفونىن تارتىپ الىپ، ەشقاشان قايتارمايتىندىعىن ايتادى. ءبىراق ءوز سوزىندە تۇرمايدى. قانداي دا ءبىر شەكارا قويىپ، ونى وزدەرى بۇزادى. سول سەكىلدى بىردەڭە الىپ بەرۋدى ايتا سالادى دا، ونى ىستەمەيدى. سودان سوڭ بالا اتا- انا ايتقانىن شىنايى قابىلدامايدى.
5. شەكتەن تىس ەركەلەتۋ ەگەر بالاعا ۇنەمى ونىڭ باسقالاردان كۇشتى ەكەنىن جانە ەڭ جاقسىنىڭ ءبارى ودا بولۋ كەرەكتىگىن ايتا بەرسە، بالانىڭ وزىنە جانە باسقالارعا دەگەن قاتىناسى وزگەرىپ كەتۋى مۇمكىن. ارينە، بارلىق اتا- انا ءوز بالاسىنا بارىن بەرۋگە تىرىسادى، ءبىراق بالانىڭ قاراپايىم جانە باسقالاردى قۇرمەتتەيتىن ادام بولۋىنا دا اسا ءمان بەرۋ كەرەك.
Massaget.kz