+7 (701) 759 90 19 Лента
14 °С : استانا
19 °С : الماتى
USD 379.36 EUR 424.47
RUB 5.88 CNY 54.95
جاڭالىقتار

تويدان كوپ اقشا تاباتىن وتاندىق 5 جۇلدىز كىم؟

24 ءساۋىر 16:31 421
:ءبولىسۋ
تويدان كوپ اقشا تاباتىن وتاندىق 5 جۇلدىز كىم؟

 استانا. قازاقپارات - توي ماۋسىمى باستالعاننان وتاندىق جۇلدىزدار وزدەرىنىڭ كەستەسى مەن تالاپ ەتەتىن قاراجات قۇنىنا وزگەرىس ەنگىزۋگە كىرىسەدى.

 تويدان تابىستى ەسەلەپ تاباتىن شوۋ- بيزنەس وكىلدەرى كىمدەر؟ گونورارى بويىنشا كوش باستاعان جۇلدىزدى اسابالار مەن انشىلەر جايلى «استانا» ارناسىنىڭ «ەل اۋزىندا» باعدارلاماسىندا ايتىلدى.

ولاردىڭ ەڭ قىمباتى تويعا 15 مىڭ دوللارعا بارسا، ەڭ ارزانى 6 مىڭ دوللاردى قاناعات تۇتقان.

 نۇربولات ءابدۋلليننىڭ ءبىر تويدان تاباتىن تابىسى 6 مىڭ ا ق ش دوللارىن قۇراعان.

ءانشىنى قۋانىشىڭىزعا شاقىراتىن بولساڭىز، قوناق ءۇي مەن ۇشاق بيلەتىن الۋعا دا دايىن بولىڭىز.

 «بىزدە گونورار 6 مىڭ دوللار. جول بيلەتى مەن قوناق ۇيگە ەكى ادامعا ورىن الاسىزدار. ەگەر الدىن- الا بەلگىلى ءبىر سوماسىن تولەپ قويامىز دەسەڭىزدەر، جەڭىلدىكپەن 2 ميلليون تەڭگەگە بارادى»، - دەيدى نۇربولات ءابدۋلليننىڭ كومەكشىسى.

 بۇركىت پەن ايشا - 7 مىڭ ا ق ش دوللارى

بۇركىت پەن ايشانىڭ تويداعى گونورارى بىلتىرعى جىلمەن سالىستىرعاندا وزگەرىسسىز قالعان.

جۇلدىزدى جۇپتى ءوز قۋانىشىڭىزدا كورگىڭىز كەلسە، 7 مىڭ ا ق ش دوللار تولەۋگە دايىن بولىڭىز.

«7 مىڭ دوللار. وسى سومانىڭ ىشىندە جولى، قوناق ءۇيى دە بار. 20 مينۋتتان ەكى رەت شىعامىز»، - دەدى ءانشى.

 تورەعالي تورەالى - 8 مىڭ ا ق ش دوللارىنا تويدا ءان ايتۋعا دايىن.

«الماتى قالاسىندا باعامىز 7 مىڭ دوللار. ال باسقا قالالارعا 8 مىڭ دوللار. ءبىر اپتانىڭ ىشىندە گونوراردى تولەسەڭىزدەر، ءۇش ادامعا بيلەتتى ءوزىمىز الامىز. سوندا سىزدەر تەك قوناق ۇيمەن قامتاماسىز ەتەسىزدەر. ەڭ ازى - 8 ءان ايتامىز. ال ەگەر تولەم ءبىر اپتانىڭ ىشىندە ورىندالماسا، ءۇش ادامعا ۇشاق بيلەتىن وزدەرىڭىز الاسىزدار»، - دەيدى تورەعالي تورەالىنىڭ كومەكشىسى.

 قايرات نۇرتاس - 9 مىڭ ا ق ش دوللارى

مۇنان بولەك ءانشى مەن كومەكشىسىنىڭ بيلەتتەرى، قوناق ءۇيى دە ءسىزدىڭ قالتاڭىزدان تولەنەدى.

 تۇرسىنبەك قاباتوۆ - 15 مىڭ ا ق ش دوللارى

 ال تانىمال ازىلكەشكە توي باسقارتقىڭىز كەلسە، 15 مىڭ ا ق ش دوللارىن تولەۋىڭىز كەرەك.

«15 مىڭ دوللار. تەك جۇرگىزۋى، ۇشاق بيلەتتەرى، تاماعى مەن قوناق ءۇيى وسى سومانىڭ ىشىندە»، - دەيدى ازىلكەشتىڭ كومەكشىسى.


باستى سوزدەر: مادةنيةت,
:ءبولىسۋ

اأتور:

novasa

ونلاين قىزمەتكەرلەر
مۇراعات