استانالىقتاردىڭ مەملەكەتتىك قىزمەتكە قاتىستى شاعىمىنا 5 مينۋتتا جاۋاپ بەرىلەدى
بۇل تۋرالى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ استانا قالالىق دەپارتامەنتىنىڭ ديرەكتورى جازيرا جىلقىشيەۆا 2018 -جىلعى جۇمىس قورىتىندىسىنا ارنالعان القا ماجىلىسىندە ايتتى.
«2018 -جىلى «سيفرلىق اگەنت» قوسىمشاسىن جاساپ، ىسكە قوستىق. بۇل قوسىمشا ارقىلى قازاقستاندىقتار مەملەكەتتىك ورگاندار كورسەتەتىن مەملەكەتتىك قىزمەتتەر ساپاسىن «ونلاين» تۇردە باعالاي الادى. ازىرگە استانا قالاسى بويىنشا 427 شاعىم كەلىپ ءتۇستى (ح ق ك و - 366؛ ەڭبەك دەپارتامەنتى - 32، مەملەكەتتىك كىرىستەر دەپاراتمەنتى - 29). وسىلايشا، وتىنىمگە دەر كەزىندە جاۋاپ قاتىپ، تۇرعىنداردىڭ ماسەلەسىن 5 مينۋتتا شەشۋگە مۇمكىندىك بەردى»، - دەدى جازيرا جىلقىشيەۆا.
سونىمەن بىرگە، وتكەن جىلى ىسكە قوسىلعان «قوعامدىق باقىلاۋ كارتاسى» دا تۇرعىنداردىڭ بۇزۋشىلىقتارعا قارسى كۇرەس بەلسەندىلىگىن ارتتىرعان.
«قوعامدىق باقىلاۋ كارتاسى» جوباسىندا ازاماتتاردىڭ شاعىمى ارقىلى تۇرعىن ءۇي- كوممۋنالدىق شارۋاشىلىعى، جول ساپاسى، اباتتاندىرۋ، ءبىلىم وردالارىنداعى زاڭسىز اقشا جيناۋ سىندى 127 ماسەلە شەشىلدى. ەندى اگەنتتىك باستاماسىمەن ونلاين رەجىمدەگى «استانانىڭ قوعامدىق باقىلاۋ ينتەراكتيۆتى كارتاسى» جارىق كوردى. بۇل كارتادا قالالىق نىسانداردىڭ قۇرىلىسى مەن كۇتىمىنە بولىنگەن بيۋدجەت قاراجاتى تۋرالى بارلىق مالىمەت كورسەتىلەدى. قالانىڭ بارلىق تۇرعىندارى تاۋلىك بويى اقاۋ تۋرالى حابارلاي الادى»، - دەدى دەپارتامەنت باسشىسى.