قازاقستان وزبەكستانعا جىلىنا 5 ميلليون توننا مۇناي ەكسپورتتاۋى مۇمكىن

None
None
استانا. قازاقپارات - ق ر ەنەرگەتيكا ءمينيسترى قانات بوزىمبايەۆ قازاقستاننان وزبەكستانعا جىلىنا 5 ميلليون توننا مۇناي جەتكىزۋ ماسەلەسى پىسىقتالىپ جاتقانىن ايتتى، دەپ حابارلايدى قازاقپارات ءتىلشىسى.

«قازاقستان الداعى ۋاقىتتا دا وزبەكستانعا ءوز رەسۋرستارىنان مۇناي جەتكىزۋگە دايىن. شاعىر ستانسياسىنداعى تەمىرجول سيستەرنالارىنا اۋىستىرىپ تيەۋ ارقىلى «كەڭقياق- قۇمكول» مۇناي قۇبىرى بويىنشا جەتكىزىلەدى. قازىرگى ۋاقىتتا وسى باعىتتاعى تاريف ءبىر توننا ءۇشىن شامامەن 25 ا ق ش دوللارىن قۇرايدى»، - دەدى مينيستر پارلامەنت ءماجىلىسىنىڭ جالپى وتىرىسىندا.

ونىڭ سوزىنە قاراعاندا، ر ف تاراپى وزبەك جاعىنىڭ سۇراۋىنا سايكەس، وزبەكستانعا جىلىنا 1 ميلليون تونناعا دەيىن مۇناي جەتكىزۋ ماسەلەسىن قاراستىرۋدا. بۇل رەتتە قازاقستان ەكى ەل اراسىندا ترانزيتتىك تاراپ رەتىندە قارالادى.

«جالپى ايتقاندا، وزبەكستان جىلىنا 5 ميلليون تونناعا دەيىن مۇناي ساتىپ الۋدى جوسپارلاۋدا. سونىڭ ىشىندە قازاقستاننان 2 ميلليون ، ال رەسەيدەن 3 ميلليون توننا ساتىپ الۋعا مۇددەلى. ايتا كەتۋ كەرەك، نەگىزى بۇگىنگى تاڭدا 5 ميلليون توننانى تۇتاستاي قازاقستاننان الۋ ماسەلەسى قارالۋدا. وزبەكستانعا 5 ميلليون تونناعا دەيىن مۇنايدى تۇراقتى جەتكىزۋ ءۇشىن كولىك ينفراقۇرىلىمىنا ءبىرشاما ينۆەستيتسيا قاجەت»، - دەدى قانات بوزىمبايەۆ.

بۇدان بۇرىن حابارلانعانداي، پارلامەنت ءماجىلىسىنىڭ جالپى وتىرىسىندا «قازاقستان ۇكىمەتى مەن وزبەكستان ۇكىمەتى اراسىنداعى ەنەرگەتيكا سالاسىنداعى ىنتىماقتاستىقتىڭ كەيبىر ماسەلەلەرى تۋرالى نەگىزدەمەلىك كەلىسىمدى راتيفيكاتسيالاۋ تۋرالى» زاڭ جوباسى ماقۇلداندى.

اۆتور: رۋسلان عابباسوۆ

سوڭعى جاڭالىقتار