الەمدى وزگەرتكەن 5 جارناما

استانا. قازاقپارات - ناۋقانى بۇگىنگى جارناما دەگەن نە؟ يمپەرياليزمنىڭ قولشوقپارى ما الدە قوعامداعى وزگەرىستەردىڭ اگەنتى مە؟

تاۋارلاردى ماداقتايتىن ناۋقان الدە جاسامپاز مادەني فەنومەن؟ بۇگىن نازارىڭىزعا قوعامدىق ماسەلەلەرگە نازار اۋدارتا وتىرىپ جاسالعان 5 ايتۋلى جارنامالىق ناۋقاندى ۇسىنامىز.

Dove: Real Beauty Dove

كوسمەتيكا برەندى 2003 -جىلى زەرتتەۋ جاساپ، الەمدەگى ايەلدەردىڭ %2 ى عانا ءوزىن ادەمى سانايدى دەگەن قورىتىندى جاسايدى. مۇنداي كورسەتكىشكە جۋرنال مۇقاباسىنداعى وڭدەلگەن سۇلۋلىق، يدەال سالماق تۋرالى ساندىراق، ناسىلدىك ديسكريميناتسيا سىندى فاكتورلار سەبەپ بولۋى مۇمكىن. كومپانيانىڭ كونسەرۆاتيۆ كوزقاراسى بۇعان قارسى تۇرادى. سودان بەرى Dove تەك شىنايى سۇلۋلىقتى دارىپتەيتىن بىرنەشە جارناما ناۋقانىن شىعاردى. ويتكەنى كومپانيا سۇلۋلىقتىڭ شەگى، جاسى، ءپىشىنى، ۇلتى جوق دەگەن پوزيتسيا ۇستانادى. 2015 -جىلى كومپانيا Dove: Real Beauty ("شىنايى سۇلۋلىق") ناۋقانىن باستادى. سونىڭ ەڭ تاڭداۋلىسى -  "كوگەرشىن سۇلۋلاردى تاڭدايدى. الەم ايەلدەرى تاڭداۋ جاسايدى" ۆيدەوسى. شىنايى سۇلۋلىقتى ناسيحاتتاپ، ايەلدەردىڭ وزىنە دەگەن سەنىمدىلىگىن وياتقانى ءۇشىن كومپانيانىڭ جارناما ناۋقانى XXI عاسىرداعى ەڭ ۇزدىك ناۋقان دەپ تانىلدى.

 PG: The Talk

الەمدە ناسىلدىك سەگرەگاتسيادان زارداپ شەككەن، ەگدە ادامدار ءالى دە بار. جارتى عاسىر بۇرىن ولار ناسىلىنە بولا قوعامنان شەتتەتىلدى. ال بۇگىندە سول ديسكريميناتسيانىڭ لەبى ولاردىڭ ۇرپاعىنا جەتتى. قازىر كوپ اتا- انا راسيزمگە قارسى تۇرۋعا، وسى تاقىرىپتا بالاسىمەن اڭگىمە ايتۋعا ءماجبۇر. ويتكەنى قوعامداعى جاعداي سوعان يتەرمەلەيدى. Procter Gamble "اڭگىمە جايلى اڭگىمە" قوزعاپ، اتا- انالاردىڭ ناسىلدىك كەمسىتۋگە بالالارىنىڭ دايىن بولۋىن، قارسى تۇرۋىن ۇيرەتۋى اسىلىندا قوعامدا بولماۋى ءتيىس دۇنيە دەپ ۇندەيدى. ۆيدەو "Cannes Lions" فەستيۆالىنىڭ Film كاتەگورياسىندا گران- پريگە يە بولىپ، كورەرمەننىڭ جارناماعا دەگەن ەمپاتياسىن ارتتىرا ءتۇستى.

 Momondo: DNA Journey Momondo

 -  اۆيابيلەتتەردى سالىستىراتىن، تۋريستىك مەتا- ىزدەۋ جۇيەسى. د ن ك- تەستىلەۋ سەرۆيسىمەن بىرگە Momondo الەۋمەتتىك تاجىريبە جاسادى: كەزدەيسوق 67 كسەنوفوب ادام ءوز شەجىرەسىمەن تانىسادى. مىسالى گەرمانيانى جەك كورەتىن بريتاندىق دجەي، ءوزىنىڭ 5% نەمىس ەكەنىن انىقتايدى. ال 67 ادامنىڭ ەكەۋى ءتىپتى الىس تۋىسقان بولىپ شىعادى. كومپانيا روليك ارقىلى ادامزاتتى ءبىر بولۋعا، ادامداردى ۇلتىنا بولا جەك كورۋدەن ارىلۋعا شاقىرادى، كسەنوفوبياعا قارسى تۇرادى.

 Colgate: Every Drop Counts

ءسىز ءتىس تازالاپ تۇرعاندا شۇمەكتەن اققان سۋ ون ليترلىك شەلەكتى تولتىرىپ تاستايدى. ال ءبىر جىل بويى ىسىراپ قىلعان سۋدى جيناسا، ۇلكەن باسسەيندى تولتىرىپ تاستاۋعا بولادى ەكەن. الەمنىڭ ءبىر جاعىندا وسىلايشا سۋدىڭ ءقادىرى جوعالا باستاسا، ەكىنشى ءبىر جاقتا ادامدار ءبىر جۇتىم سۋ ىشۋگە جارىماي وتىر. Colgate بۇل ماسەلەگە نازار اۋدارىپ، 60 سەكۋندتىق جارناما روليگىن ءتۇسىردى. ۆيدەودا مىناداي ۇندەۋ بار: "بۇل ء(تىس تازالاپ تۇرعاندا شۇمەكتەن اققان سۋ) الەمدەگى ءبىرشاما ادامنىڭ اپتالىق سۋ قورىنان دا كوپ"، " ءوتىنىش، سۋدى ءوشىرىپ قويىڭىز".

 Coca-Cola: Bringing India Pakistan Together

بريتاندىق ءۇندىستان يندۋيستىك ءۇندىستانعا، پاكىستانعا، بانگلادەش پەن شري- لانكاعا ءبولىنىپ كەتتى. سودان بەرى پاكىستان مەن ءۇندىستان اراسىنداعى جانجال سايابىرسىعان ەمەس. ەكى ەل ءبىر- ءبىرىن يادرولىق سوعىسپەن قورقىتىپ، ءتۇرلى قاقتىعىستارعا ۇشىراسىپ جاتتى. ساياساتكەردەردىڭ ءتۇرلى شاراسى ماردىمسىز بولىپ جاتقاندا، ىسكە جارناماشىلار كوشتى. 2013 -جىلى Coca-Cola ەڭ ءىرى شيەلەنىسكەن گەوساياسي داۋعا كىرىسەدى. Coca-Cola 2 ينتەراكتيۆ اۆتومات ورناتادى. ءبىرى پاكىستانداعى لاحوردا، ءبىرى ءۇندىستانداعى نيۋ- دەليدە ورنالاسقان. ارالارىن جۇزدەگەن شاقىرىم ءبولىپ تۇرعان يدەولوگيالىق قارسىلاستاردىڭ ءبىر- ءبىرىن كورىپ، الاقاندارىن تيگىزىپ جانە ارعى بەتتەگى ادامعا ءبىر قۇتى Coca-Cola سىيلاۋعا مۇمكىندىگى بولدى. ناۋقان كەزىندە ەكى ەل ادامدارى ءبىر- بىرىنە  10000 قۇتى Coca-Cola سىيلاعان ەكەن. اياق- استىنان مەيىرىم جاساتۋ -  Coca-Cola-نىڭ سۇيىكتى ءىسى. برەند ءبىر اپتا بولسا دا ەكى ەلدىڭ ادامدارىن بىرىكتىرۋگە قاۋقارى بار ەكەنىن كورسەتتى.

massaget.kz