استانادا اناسىمەن بىرگە جۇرگەن 5 جاسار بالا قۇدىققا ءتۇسىپ كەتتى

استانا. قازاقپارات - استانادا قۇدىققا ءتۇسىپ كەتكەن بەس جاسار بالا قۇتقارىلدى، دەپ حابارلايدى قازاقپارات ءتىلشىسى.

«15 -اقپان كۇنى «112» پۋلتىنە ساعات 11:30 كەزىندە 2014 -جىلى تۋعان بالا قاراساي باتىر كوشەسى بويىنداعى قۇدىققا ءتۇسىپ كەتكەندىگى تۋرالى حابار كەلىپ ءتۇستى. ءبۇلدىرشىن اتالعان جەردە اناسىمەن سەرۋەندەپ جۇرگەن»، - دەلىنگەن ت ج كوميتەتى مالىمەتىندە.

انىقتالعانداي، قۇدىقتىڭ تەرەڭدىگى 2 مەتر بولعان.

«قۇتقارۋشىلار كەلگەنشە دەيىن بالانى №39 -مەكتەپتىڭ 10-سىنىپ وقۋشىسى قۇدىقتان الىپ شىققان. زارداپ شەككەن بالا №2 -قالالىق اۋرۋحاناعا جەتكىزىلدى. ال قۇتقارۋشىلار مەكتەپ وقۋشىسىن ۇيىنە جەتكىزىپ سالدى»، - دەلىنگەن حابارلامادا.