جاقسىلىق جاسا: شىعىس قازاقستاندا 5 بالالى اناعا ءۇش بولمەلى ءۇي بەرىلدى

None
None
وسكەمەن. قازاقپارات - شىعىس قازاقستاننىڭ جارما اۋدانىندا قايىرىمدىلىق قورى جالعىز باستى اناعا باسپانا سىيلادى، دەپ حابارلايدى قازاقپارات ءتىلشىسى.

«حارەكەت» قايىرىمدىلىق قورى وسىمەن الپىس سەگىزىنشى مۇقتاج وتباسىعا پاتەر سىيلاپ وتىر. بۇل جولى ونداي باقىتقا جارما اۋدانىنىڭ قالباتاۋ اۋىلىندا تۇراتىن جالعىزباستى انا جانار تۇرسىنبەك قىزى يە بولدى.

null 

«نەسىن جاسىرايىن؟ وسىعان دەيىن بەس بالاعا تولەنەتىن 10500 تەڭگەنىڭ جەڭىلدىق اقشاسىن پاتەر جالداۋعا جۇمساپ كەلگەن ەدىم. جالعىز مەنىڭ تابىسىم ولاردىڭ ءىشىپ-جەمى مەن كيىم- كەشەگىنەن اسپايتىن. جازدا ءتىپتى جالداپ تۇراتىن ءۇي تاپپاي قالعان دا كەزدەرىمىز بولدى. سول كەزدە جىلاپ-ەڭىرەپ جۇرگەنىمىزدى «حارەكەت» قورىنىڭ وكىلدەرى كورىپ، قايىرىمدى جاندارعا ۇندەۋ تاستاعان بولاتىن. التى ايدىڭ ىشىندە قاراجات جينالىپ، بۇگىن ۇيگە كىرىپ وتىرمىز. ءۇي جىلى ەكەن. بەس بالانىڭ ۇلكەنى ستۋدەنت. پراكتيكاسىنا تولەگەن اقشاعا 1 توننا كومىر اكەلدى. ازىرگە سونىمەن امالدايمىز. قۋانىشىمىزدا شەك جوق. كومەك قولىن سوزعان جومارت جاندارعا، «حارەكەت» قورىنا بالالارىمنىڭ اتىنان العىس ايتامىن» - دەيدى جانار تۇرسىنبەك قىزى.

null

بەس بالالى انانىڭ قۋانىشىنا اكىمدىك قىزمەتكەرلەرى مەن قور وكىلدەرى ورتاقتاسىپ، پاتەر كىلتىن تابىستاۋ ءراسىمىن سالتاناتتى تۇردە وتكىزدى. اۋدان ورتالىعىنان بەرىلگەن ءۇي ءۇش بولمەلى، پەشپەن جىلىتىلادى.

شارادا ءسوز العان قايىرىمدىلىق قوردىڭ وكىلى شىنار سىدىقوۆا قايىرىمدىلىق شارالار ءالى دە جالعاسىن تاباتىنىن اتادى.

null

سوڭعى جاڭالىقتار