بەلگىسىز بىرەۋ بانككە شابۋىل جاساپ، 5 ادام قازا تاپتى

استانا. قازاقپارات - ا ق ش- تا سارسەنبى كۇنى سەبرينگ قالاسىنداعى (شتات فلوريدا) Suntrus بانكىنىڭ بولىمشەسىنە بەلگىسىز بىرەۋ شابۋىل جاسادى.

قاسكۇنەم بانكتە وق جاۋدىرىپ، بىرنەشە ادامدى كەپىلگە العان كەزدە كەم دەگەندە بەس ادام قازا تاپتى، دەپ حابارلايدى CNN تەلەكومپانياسى پوليتسيا وكىلىنە سىلتەمە جاساپ.

قۇقىق قورعاۋ ورگاندارىنىڭ مالىمەتتەرىنە قاراعاندا، بىرنەشە ادام جارالانعان. كىمنىڭ مەرت بولعانى نەمەسە زارداپ شەككەنى ازىرگە انىقتالا قويعان جوق. كۇدىكتى ۇستالدى.

بۇدان بۇرىن بانك بولىمشەسىندە الدىمەن ادامداردى كەپىلگە الىپ، ارتىنشا ءتارتىپ ساقشىلارىنىڭ بەرىلۋ تۋرالى تالابىنان باس تارتىپ وق جاۋدىرعان ادامدى پوليتسيانىڭ ۇستاعاندىعى حابارلانعان بولاتىن.

سونداي-اق عيماراتقا شابۋىل كەزىندە كەپىلگە الىنعانداردىڭ بىرنەشەۋى زارداپ شەككەنى ايتىلعان ەدى.

وقىس وقيعاعا بايلانىستى تەرگەۋ باستالدى. الدىن الا بولجام بويىنشا، قاسكوي بانكتى توناۋعا ارەكەتتەنگەن.