قازاقستان شەكاراسىن كەسىپ وتكەن 5 وزبەك ءۇسىپ قالا جازدادى

 استانا. قازاقپارات - ورال شەكارا وتريادى «مۇقاتاي» زاستاۆاسىنىڭ اۋماعىندا رەسەيدەن قازاقستان اۋماعىنا كىرگەن 5 وزبەكستاندىق ۇستالدى.

بۇل تۋرالى ق ر ۇلتتىق قاۋىپسىزدىك كوميتەتىنىڭ شەكارا قىزمەتىنەن ءمالىم ەتتى، دەپ حابارلايدى قازاقپارات ءتىلشىسى.

كوميتەت دەرەگىنشە، ۇستالعانداردىڭ ەڭ ۇلكەنى 46 جاستا، ال ەڭ كىشىسى 28 دە. ولاردىڭ بارلىعىن ۇسىك شالعان. وزبەكستان ازاماتتارى بىردەن دارينسك اۋىلىنداعى اۋداندىق ەمحاناعا جەتكىزىلدى. دارىگەرلەردىڭ قويعان دياگنوزىنا سايكەس، ولاردىڭ بىرەۋىنىڭ اياق- قولدارىن 3-4- دارەجەلى، ەكەۋىن 2-3- دارەجەلى، تاعى ەكەۋىن 1-دارەجەلى ۇسىك شالعان.

«بىرەۋىنىڭ جاعدايى اۋىر، قارقىندى تەراپيا پالاتاسىندا جاتىر. ەكەۋىنىڭ جاعدايى ورتاشا، قالعان ەكەۋى ەمگە مۇقتاج ەمەس. قازىرگى ۋاقىتتا بەسەۋى دە شەكاراشىلاردىڭ كۇزەتىمەن باتىس قازاقستان وبلىسىنىڭ زەلەنوۆسك اۋدانىنىڭ دارينسك اۋىلىنداعى ەمحانادا ەم الۋدا» ، - دەلىنگەن تاراتىلعان اقپاراتتا.