اشىق اسپان استىنداعى «بوتاي - بۋراباي» مۋزەيىنە 5 مىڭنان اسا تۋريست كەلدى

None
None
كوكشەتاۋ. قازاقپارات - اقمولا وبلىسىنداعى اشىق اسپان استىندا ورنالاسقان «بوتاي - بۋراباي» ارحەولوگيالىق- ەتنوگرافيالىق مۇراجايىنا 5 مىڭنان استام تۋريست كەلدى، دەپ حابارلايدى قازاقپارات ءتىلشىسى وبلىستىق ىشكى ساياسات باسقارماسىنا سىلتەمە جاساپ.

ۆەدومستۆونىڭ حابارلاۋىنشا، «قازاقستاننىڭ كيەلى جەرلەرى» جوباسى شەڭبەرىندە اقمولا وبلىسىندا كيەلى جەرلەردىڭ مادەني- گەوگرافيالىق بەلدەۋى جاسالدى. وعان وڭىردەگى 200 استام كيەلى نىسان ەندى. ولاردىڭ اراسىندا «قۇماي» ارحەولوگيالىق- ەتنوگرافيالىق كەشەنى، ولجاباي باتىر زيراتى، ابىلاي حان الاڭى، كەنەسارى ۇڭگىرى، وقجەتپەس تاۋى، «باسپاقىر» مازارى، باۋبەك باتىر كەسەنەسى، ناۋان حازىرەت مەشىتى سياقتى 10 تابيعي جانە تاريحي نىساندار ەندى.



«قازىرگى كەزدە، وڭىردە كيەلى ورىنداردى زەرتتەپ، قالپىنا كەلتىرۋ جانە ناسيحاتتاۋ بويىنشا اۋقىمدى جۇمىستار جۇرگىزىلۋدە»، - دەيدى ۆەدومستۆودان.

ايتالىق، شوقان ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتى، اباي مىرزاحمەتوۆ اتىنداعى كوكشەتاۋ ۋنيۆەرسيتەتى، ق ر ءى ءى م تجك كتي ستۋدەنتتەرى زەرەندى اۋدانىنىڭ كەنوتكەل اۋىلى اۋماعىندا ۇيىمداستىرىلعان «ارحەولوگيا - باعا جەتپەس قازىنا» ارحەولوگيالىق ەكسپەديتسياسىنا قاتىستى.



قولا داۋىرىندەگى تاريحي ەسكەرتكىشتەردى زەرتتەۋ قورىتىندىسى بويىنشا ەكسپەديتسيا مۇشەلەرى «Balapan» تەلەارناسىنىڭ «جۇمباق جەر» تەلەۆيزيالىق جوباسىنا قاتىستى.

بۇدان بولەك بۋراباي كۋرورتى ايماعىندا اشىق اسپان استىنداعى «بوتاي - بۋراباي» ارحەولوگيالىق- ەتنوگرافيالىق مۇراجايى اشىلدى. نەوليت داۋىرىندەگى ەتنوپارك ءوڭىردىڭ تۋريستىك الەۋەتىن ارتتىرۋعا زور ىقپال ەتۋدە. ءبىر ماۋسىمنىڭ وزىندە بۇل مۇراجايعا 5 مىڭنان استام تۋريست كەلدى. ايتا كەتسەك، بۇل ورتالىق وسى جىلدىڭ شىلدە ايىندا اشىلعان بولاتىن.

سونىمەن قاتار، استراحان اۋدانىنداعى «توعىز اۋليە» مولاسى دا تاريحشى عالىمداردىڭ قىزىعۋشىلىعىن ارتتىرىپ وتىر. ال قورعالجىن اۋدانى اۋماعىندا استانا قالاسىنان 100 شاقىرىم قاشىقتىقتا ورنالاسقان قازاق حاندىعىن قۇرۋشىلاردىڭ ءبىرى - جانىبەك حاننىڭ كەسەنەسى زەرتتەلۋدە.

بۇل بۇگىنگى ەلوردامىزدىڭ قازاقتىڭ ەتنيكالىق جەر اۋماعى قالىپتاسىپ، قازاق مەملەكەتتىگىنىڭ باستاۋ العان جەرىندە ورنالاسقاندىعىن بىلدىرەدى.

 


سوڭعى جاڭالىقتار