جىلدام جاسالاتىن 5 مەرەكەلىك سالات

 استانا. قازاقپارات - نەبارى 15 مينۋت ۋاقىتتى الاتىن ۆەتچينا، تاۋىق ەتى، اسشايان، لوسوس جانە جەمىس قوسىپ جاسالاتىن مەرەكەلىك سالاتتاردى ۇسىنادى.

 ۆەتچينا قوسىلعان كوب- سالاتى

ۆەتچينا قوسىلعان كوب تانىمال امەريكالىق سالاتتىڭ وزگەرتىلگەن ءتۇرى. تاعامنىڭ ءسوزسىز ارتىقشىلىعى - ونىڭ قۇرامىندا الدىن الا وڭدەۋدى تالاپ ەتپەيتىن كوپتەگەن ءدامدى ونىمدەرى بار.

ۆەتچينا قوسىلعان كوبب- سالاتىن ازىرلەۋ ءۇشىن بىزگە 400 گ ۆەتچينا، 9 چەرري قىزاناعى، 1 ستاقان كوك ىرىمشىك، 2 اۆوكادو، 4 جۇمىرتقا، 1 باس ءسۇتشوپ سالاتى كەرەك. ال تۇزدىعىن دايىنداۋعا ½ ستاقان اق بالزامدى سىركە سۋى، 2 ءتۇيىر سارىمساق، 1 شاي قاسىق تۇز، 1 شاي قاسىق قارا بۇرىش، ½ ستاقان ءزايتۇن مايى كەرەك بولادى.

دايىندالۋى

1. جۇمىرتقانى سۋعا قايناتىپ، ءپىسىرىڭىز الىڭىز. وسى ۋاقىتتا ۆەتچينا مەن تازالانعان اۆوكادونى تەكشە، ياعني ءتورتبۇرىش ەتىپ تۋراپ، قىزاناقتاردى ەكىگە ءبولىپ، ىرىمشىكتى ۇساقتاڭىز. سودان كەيىن قاتتى پىسكەن جۇمىرتقانى سۋىتىپ، تورتكە ءبولىڭىز.

2. جالپاق تارەلكەگە سالات جاپىراقتارىن قويىپ شىعىڭىز. سودان كەيىن ونىڭ ۇستىنە ىرىمشىك، جۇمىرتقا، اۆوكادو، ۆەتچينا، قىزاناق، جۇمىرتقا جانە ىرىمشىكتى رەتىمەن قويىڭىز.

3. تۇزدىعىن دايىنداڭىز. ول ءۇشىن تۋرالعان سارىمساق پەن تۇزدى جانە بۇرىشتى سىركە سۋىنا ارالاستىرىڭىز. سوسىن وعان ءزايتۇن مايىن قوسىپ، جاقسىلاپ ارالاستىرىڭىز. تۇزدىقتى سالاتتان بولەك بەرۋ كەرەك، سەبەبى تۇزدىقتى سالاتتى جەيتىن كەزدە قوسادى.

 

تاۋىق ەتىنەن جاسالعان سالات

 مۇندا تاۋىق ەتى، بالدىركوك، الما جانە جاڭعاقتىڭ بەلگىلى ۇيلەسىمى، ەرەكشە ينگرەديەنتتەرمەن تولتىرىلادى.

بۇل سالاتتى دايىنداۋ ءۇشىن سۋعا پىسىرىلگەن 4 تاۋىق ەتى، 3 تال پيازدىڭ جاسىل ساباعى، 6 بالدىركوك ساباعى، ½ قيار، 1 ستاقان پەكان جاڭعاعى، 1 «گرەنني سميت» الماسى، ½ ليمون، 1 ستاقان كەپتىرىلگەن مۇكجيدەك، 6 اس قاسىق جەڭىل مايونەز، دامىنە قاراي تۇز جانە بۇرىش، 1 بۋدا كۇنزە كەرەك.

 جاسالۋى

 1. تاۋىق ەتى مەن پياز جانە بالدىركوك مەن قيار، جاڭعاقتاردى ىرىلەپ تۋرايمىز. ال المانى ۇساقتاپ بولەك ىدىسقا سالىپ، ليمون شىرىنىن تامىزىپ، ارالاستىرامىز. ليموننىڭ ارقاسىندا الما قارايمايتىن بولادى.

2. تۋرالعان ينگرەديەنتتەردىڭ بارىنە مۇكجيدەك قوسىپ، ارالاستىرىڭىز. سودان كەيىن مايونەز قوسىپ، تاعى ارالاستىراسىز. ارتىنان تۇزداپ، بۇرىش سەبىڭىز. جاقسىلاپ ارالاستىرىپ بولعان سوڭ، سالاتتى توڭازىتقىشقا قويىپ سۋىتىڭىز دا، مايدالاپ تۋرالعان كۇنزەمەن بەزەندىرىڭىز.

 اسشايان، اۆوكادو جانە گرەيپفرۋت قوسىلعان سالات

 
مەرەكەلىك داستارحاننىڭ ءسانىن كەلتىرەتىن جەڭىل سالاتتاردىڭ ءبىرى اسشايان، اۆوكادو جانە گرەيپفرۋت قوسىلعان سالات. بۇل سالاتقا 250 گرامم تازالانعان اسشايان، 1 تال پيازدىڭ جاسىل ساباعى، 1 پىسكەن اۆوكادو، 1 گرەيفرۋت جانە دامىنە قاراي ۇنتاقتالعان قارا بۇرىش قوسىلادى.

ازىرلەنۋى

 1. اسشانداردى تۇزدى سۋدا جىلدام ءپىسىرىپ، سۋىتىڭىز. اسشايان سۋىعانشا كوك پياز بەن اۆوكادونى ارشىپ، تۋراپ الىڭىز. سونداي- اق، گرەيپفرۋتتى دا جاقسىلاپ تازالايمىز. گرەيفرۋتتىڭ سالافان سەكىلدى قابىقشاسىن الىپ تاستاماسا، سالات اشى بولىپ قالادى.

2. تۋرالعان ينگرەديەنتتەردى پىسىرىلگەن اسشايان تۇرعان ىدىسقا سالىپ، ارالاستىرىڭىز. دايىن سالاتتىڭ بەتىنە بۇرىش سەۋىپ، ادەمى شىنى ىدىسقا نەمەسە بوكالعا سالىپ، داستارحانعا قويامىز.

 لوسوس، قارا بۇلدىرگەن جانە ماندارين قوسىلعان سالات

 

بۇل ءداستۇرلى وتىرىستاردان شارشاپ، مەرەكەنى شاعىن ادامدارمەن اتاپ ءوتۋدى جوسپارلانعان ادامدار ءۇشىن تاپتىرمايتىن جەڭىل سالات.

لوسوس، قارا بۇلدىرگەن جانە ماندارين قوسىپ جاسايتىن سالاتقا 2 ستاقان شپينات جاپىراقتارى، 200-250 گرامم پىسىرىلگەن لوسوس، 2 ماندارين، ½ ستاقان قارا بۇلدىرگەن، ¼ ستاقان تۋرالعان جاسىل پياز، ¼ ستاقان اسقاباق تۇقىمى قوسىلادى.

ال تۇزدىق جاساۋ ءۇشىن 1 لايمنىڭ شىرىنى، 1 اس قاسىق كۇنجىت مايى، 1 اس قاسىق سۇيىق بال كەرەك.

جاسالۋى

1. شپيناتتى بىردەي بولىكتەرگە ءبولىپ، تارەلكەگە سالىڭىز. ۇستىنەن تۋرالعان لوسوس پەن ماندارين كەسەكتەرىن، قارا بۇرلدىرگەندى جانە پياز بەن اسقاباق تۇقىمىن قويىپ شىعامىز.

2. لايم شىرىنى مەن كۇنجىت مايىن جانە بالدى بولەك الاراستىرىپ الىڭىز. سودان كەيىن بۇل تۇزدىقتى سالاتتىڭ بەتىنە سەۋىپ، داستارحانىڭىزدى ساندەي بەرىڭىز.

 المۇرت جانە سۇرسۇبە (بەكون) قوسىلىپ جاسالعان سالات

 

باسقا دا ءدامدى سالاتتاردىڭ ءدامىن تاتىپ كورگىسى كەلەتىندەر ءۇشىن تاپتىرمايتىن رەتسەپت. المۇرت جانە سۇرسۇبە قوسىلىپ جاسالاتىن سالاتتى جاساۋ ءۇشىن بىزگە 1 پاكەت سالات قوسپاسى، 1 المۇرت، 1 ستاقان قىزعىلت ءجۇزىم، قۋىرىلعان بەكوننىڭ 2 جولاعى، 2 اس قاسىق ەشكى ىرىمشىگى، 2 اس قاسىق قۋىرىلعان پىستە (فيستاشكا) ، 2 اس قاسىق بالزامدى سىركە سۋى كەرەك.

ازىرلەنۋى

1. المۇرتتى جۇقا تىلىمدەرگە ءبولىپ، تۋراپ شىعامىز. ال جۇزىمدەردى ەكىگە بولەمىز.

2. بەكون مەن ىرىمشىكتى ۇساقتايمىز. سودان كەيىن بۇل ينگرەديەنتتەردى ۇلكەن ىدىسقا سالىپ، سالات قوسپاسىمەن جانە پىستەمەن ارالاستىرامىز. ەڭ سوڭىندا سالاتقا بالزامدى سىركە سۋىن قوسىپ، ءبىر ارالاستىرىپ الامىز دا، ۇستەلگە قويامىز.

Stan.kz